দিলোৱাৰ হুছেইন মজুমদাৰ মুক্ত হ’ল ঠিকেই৷ কিন্তু উত্থাপিত হ’ল কেবাটাও প্ৰশ্ন৷ ইতিহাসে কৈছে- সাংবাদিকক গ্ৰেপ্তাৰৰ পিছৰটো নিৰ্বাচনতে শাসকীয় দল পৰাজিত হৈছে৷
খোদ বিজেপিও সাংবাদিকক জে’লত ভৰাই পূৰ্বে নিৰ্বাচনত পৰাস্ত হৈছিল৷ বিজেপি চৰকাৰক কঁপাই তোলা সেইজন সাংবাদিকো আছিল মুখ্যমন্ত্ৰীৰ ভাষাত প’ৰ্টেল সাংবাদিক৷
দেশত তেতিয়াও বিজেপি চৰকাৰেই আছিল৷ সততাৰ প্ৰতীক হিচাপে স্বীকৃত সমাজবাদী নেতা জৰ্জ ফাৰ্নাণ্ডেজ আছিল প্ৰতিৰক্ষা মন্ত্ৰী৷
সেইসময়ত তৰুণ তেজপাল নামৰ সাংবাদিকজন আছিল তেহেলকা ডট কম নামৰ সংবাদ প্ৰতিষ্ঠানটোৰ মুখ্য সম্পাদক৷
তেওঁ তদন্তধৰ্মী সাংবাদিকতাৰে দেশৰ ৰাজনীতিত জোৱাৰ তুলিছিল। ২০০১ চনত প্ৰতিৰক্ষা মন্ত্ৰ্যালয়ৰ অস্ত্ৰ সৰবৰাহৰ কেলেংকাৰি ফাদিল কৰি দিছিল প’ৰ্টেল সাংবাদিক তৰুণ তেজপালে৷
সেইভাৰ প্ৰতিৰক্ষা মন্ত্ৰী জৰ্জ ফাৰ্নাণ্ডেজে পদত্যাগ কৰিবলগীয়া হৈছিল৷ বাজপেয়ী চৰকাৰে কেলেংকাৰী তদন্তৰ ৱেংকটস্বামী কমিছন গঠন কৰিবলৈ বাধ্য হৈছিল। কেলেংকাৰীত সাঙোৰ খাই পৰিছিল বিজেপিৰ ৰাষ্ট্ৰীয় সভাপতি বাংগাৰু লক্ষ্মণ আৰু জয়া জেটলীৰ নামে৷
দেশ কপোঁৱা সেই কেলেংকাৰি পোহৰলৈ আনিছিল তেহেলকা ডট কমে। ইয়াৰ পৰিণাম প্ৰতিষ্ঠানটোৱে চৰম দুৰ্ভোগ ভুগিবলগীয়া হৈছিল৷ তেহেলকাৰ সাংবাদিক শংকৰ শৰ্মা আৰু সাংবাদিক অনিৰুদ্ধ বেহেলক ভুৱা গোচৰ লগাই বন্দী কৰা হৈছিল তিহাৰত৷
তাৰ পিচতেই তেহেলকা ডট কম বন্ধ হৈ গ’ল৷ কিন্তু সেই তৰুণ তেজপালক গ্ৰেপ্তাৰ কৰাৰ পিছৰ নিৰ্বাচনত বাজপেয়ীও জিকিব নোৱাৰিলে৷ আকৌ তেওঁ হ’ব নোৱাৰিলে প্ৰধানমন্ত্ৰী৷
চৰকাৰৰ দুৰ্নীতি ফাদিল হৈ গ’ল৷ তৰুণ তেজপালে দিলোৱাৰৰ দৰে দুৰ্ভোগ ভুগিলে৷ কিন্তু বাজপেয়ীৰ ৰাজনৈতিক কেৰিয়াৰো সমাপ্ত হ’ল৷ সাংবাদিক অভিশাপত বিজেপি ২০০৪ৰ পৰা ২০১৪লৈ বহিবলগীয়া হ’ল বিৰোধীৰ আসনত৷
এতিয়াও নিৰ্বাচনৰ পূৰ্বে বিজেপিয়ে একেটা ভুলেই কৰিলে৷ আকৌ জে’লত ভৰালে সাংবাদিকক৷ হয়তো এইবাৰো পুৰণি অভিশাপেই বিজেপিৰ কৰিব সৰ্বনাশ৷
0
