নৱজাত কন্যাক লুকুৱাই ৰাখিছে বৰষাৰাণী বিষয়াই৷ কন্যাৰ জননী হোৱাৰ খবৰটো অনুৰাগীক দিছে, কিন্তু এতিয়ালৈ কাকো দেখুওৱা নাই সদ্যোজাতৰ মুখ৷
নাৰী জীৱনৰ সৰ্বোত্তম সুখৰ অধিকাৰী হোৱাৰ পিছত বৰষাই কটাইছে সুখৰ সময়৷
কিন্তু বৰষাৰাণী মাতৃ হোৱাৰ পিছতে ফে’চবুকত বিয়পিছে এডিটেড ফটো৷ য’ত নৱজাতকৰ সৈতে ওলাইছে অভিনেত্ৰীগৰাকী৷
পিছে মাতৃ হোৱাৰ পিছতো বৰষাৰাণীৰ অভিনয় যাত্ৰাৰ অন্ত নপৰে বুলি ঘনিষ্ঠ মহলে সদৰী কৰিছে৷ অভিনেত্ৰীগৰাকীৰ ঘনিষ্ঠ বন্ধুৱে প্ৰকাশ কৰা অনুযায়ী কন্যাৰ মাক হোৱাৰ পিছতো কেমেৰাৰ সন্মুখত থিয় হ’বলৈ বৰষাৰাণী ইচ্ছুক হৈ আছে৷
আনহাতে কিছুদিনলৈ কন্যাক কেমেৰাৰ পৰা আঁতৰাই ৰাখিবলৈয়ো সিদ্ধান্ত লৈছে মোহময়ী অভিনেত্ৰীগৰাকীয়ে৷
যিদৰে বলীউডী দম্পতিয়ে সন্তানক কেমেৰাৰ পৰা আঁতৰাই ৰাখে তেনেকৈয়ে কন্যাৰ ফটো ক’তো ওলাবলৈ নিদিয়ে বৰষাই৷ আনকি বৰষাই প্ৰকাশ কৰা নাই দুহিতাৰ নামো৷
কিন্তু মাতৃত্ব অৰ্জনৰ পিছতো পৰৱৰ্তী চিনেমা যৌৱনে আমনি কৰেৰ ছিকুৱেলৰ কামত লাগিবলৈ বৰষাৰাণী সাজু হৈছে৷ ছিকুৱেৰ বাকী থকা কামখিনি শেষ কৰিবলৈ তেওঁ হৈছে প্ৰস্তুত৷
