সংগ্ৰামী অতীত আছে৷ পূৰ্বে সাহসী বুলিও আছে পৰিচিতি৷ তথাপি দিছপুৰত যতমানে বিলাই-বিপত্তিৰে সন্মুখীন হয় যোগেন মহন৷
যৌৱনত বন্দুকো ধৰা মহনৰ বিভাগৰ কোনো কেলেংকাৰিৰ খবৰ কিন্তু ওলোৱা নাই৷ কিন্তু মন্ত্ৰীজনক বদনামী কৰিছে তেওঁৰ সতীৰ্থই৷
গতিকে প্ৰশ্ন উত্থাপন হৈছে- বিভাগ পৰিচালনাত মহন অক্ষম নেকি? মন্ত্ৰী হোৱাৰ যোগ্যতা নাই নেকি মহনৰ?
বেছিদিনৰ কথা নহয়৷ নাগাৰা নামৰ পাঠিকা কৰিশ্মা নাথৰ ঘৰত ওলাইছিলগৈ এজন লোক৷ সেইজনে ৰাইজৰ সন্মুখতে ঘোষণা কৰিছিল- মন্ত্ৰী যোগেন মহনে কৰিশ্মাৰ ঘৰৰ সন্মুখৰ পথটো নিৰ্মাণ কৰি দিয়াৰ সিদ্ধান্ত লৈছে৷ তেওঁক ব্যক্তিগত সচিব হিচাপে কৰিশ্মাৰ ঘৰলৈ মন্ত্ৰীয়ে প্ৰেৰণ কৰিছে৷
ৰাইজে হাত চাপৰি মাৰি তেওঁক গামোচাও পিন্ধালে৷ কিন্তু পিছতহে গোমৰ ফাক হ’ল- সেইজন আছিল নটৱৰলাল
শেহতীয়াকৈ মহনৰ সহায়কে ভুৱা ৱৰ্ক অৰ্ডাৰ দিও কাৰোবাক ঠিকা দিলে৷ মহনে একো গমেই নাপালে৷
কথাট হৈছে- কেৱল মহনৰ বিভাগ বা তেওঁৰ নাম লৈয়েই প্ৰতাৰণাৰ ঘটনা কিয় ঘটিছে? বিভাগ চলাব নাজানে নেকি মহনে? কেৱল দেওধাই আহোম হোৱাৰ যোগ্যতাতে থম থম মদন গোপাল মন্ত্ৰী হৈ আছে নেকি মহন?
