সুশান্ত সিং ৰাজপুতৰ বিয়োগৰ পিছত বাৰুকৈ চৰ্চিত হৈ পৰিছিল ৰিয়া চক্ৰৱৰ্তীৰ নাম৷ গোচৰত সাঙোৰ খাই পৰাৰ ফলত ফিল্ম কেৰিয়াৰো প্ৰায় সমাপ্ত হৈছিল ৰিয়াৰ৷ তদুপৰি ৰিয়া হৈ পৰিছিল অকলশৰীয়া৷ কিন্তু বহুদিনৰ পিছত ৰিয়াই বিচাৰি পাইছে মনৰ মানুহ৷
সেই পছন্দৰ মানুহজন অৱশ্যে একেবাৰে অচিনাকি নহয়৷ তেওঁ হৈছে দেশৰ সবাতোকৈ কনিষ্ঠ বিলিয়নিয়াৰ নিখিল কামাথ৷ জিৰ’ধা নামৰ ট্ৰেডিং ব্ৰকাৰ প্ৰতিষ্ঠানটোৰ তেওঁ অন্যতম প্ৰতিষ্ঠাপক৷
পূৰ্বে বিশ্বসুন্দৰী মানুষী চিল্লাৰৰ সৈতেও ডেটিং কৰা নিখিলক আজিকালি প্ৰায়ে দেখা যায় ৰিয়াৰ সৈতে৷ নিখিলৰ হাৰ্লি-ডেভিদছন বাইকত প্ৰায়ে উঠে ৰিয়া৷ নিখিলক মেৰিয়াই ধৰি ৰিয়াই বাইক ৰাইডিং কৰে৷
অৱশ্যে ৰিয়াৰ বৰ্তমানৰ প্ৰেমিক নিখিলৰ আছে দুখৰ অতীত৷ ৯,০০০ কোটি টকাৰ মালিক নিখিল ২০১৯ চনতে বিবাহপাশত আবদ্ধ হৈছিল৷ তেওঁৰ কইনা আছিল আমাণ্ডা পুৰাৱংকৰা৷ কিন্তু ২০১৯ চনতে তেওঁলোকৰ বিচ্ছেদ ঘটিল৷ তেতিয়াৰ পৰা নিঃসংগ জীৱন কটাইছিল নিখিলে৷
মাত্ৰ দুবছৰীয়া সংসাৰে অৱশ কৰি পেলোৱা নিখিলে কিছুদিন পাৰ কৰিছিল সুন্দৰী মানুষী চিল্লাৰৰ সৈতে৷ পিছে সেই সম্পৰ্কও নিটিকিল৷
এতিয়া তেওঁৰ পছন্দৰ নাৰী হিচাপে বাছনিত উঠিছে ৰিয়া চক্ৰৱৰ্তী৷ বলীউডী সুন্দৰীৰ সৈতে নিখিলে পাৰ কৰিছে অন্তৰংগ সময়৷
