নিশা দ্ৰুতবেগী ট্ৰাকৰ পিছফালে তিৰপাল দেখিলেই বুজিব
ওপৰত আছে গৰু
অসমৰ ভিন্নপ্ৰান্তৰ পৰা চুৰি কৰি অথবা কিনি নিয়া গৰু ৰাতি ট্ৰাকত উঠাই তিৰপালেৰে ঢাকি মেঘালয়লৈ নিয়া হৈছে৷ তাৰ পৰা গৰুবোৰ চালান দিয়া হৈছে বাংলাদেশলৈ৷
গৰু ছিণ্ডিকেটটো আকৌ সৰ্বধৰ্মীয়৷ অবৈধ ব্যৱসায়ত হিন্দু-মুছলমান সকলো জড়িত হৈ আছে৷ শ্ৰীৰামপুৰৰ ছিৰাজুল, ছফিকুল আদিয়ে ট্ৰাকত গৰু তুলিছে৷ তাজুদ্দিন, মীৰ আৰু আমিনুলে ট্ৰাক অসমৰ পথেৰে পাৰ কৰাইছে৷
সদায়েই সৰবৰাহ হৈ থকা গৰু ব্যৱসায়ৰ আন এক মাষ্টাৰমাইণ্ড হৈছে কালু৷ বৰপেটাৰ মীৰ নামৰ লোকজনেও অন্ধকাৰত থাকি গৰু বেপাৰ চলাই আছে৷
কেবাজনীয়া ছিণ্ডিকেট চক্ৰই শ্ৰীৰামপুৰৰ পৰা চমু পথেৰে পঠিয়াইছে গৰুভৰ্তি ট্ৰাক৷ বছৰৰ সকলো সময়তে চলি থকা বেপাৰ বৰ্তমান তুংগত উঠিছে৷ আৰক্ষীৰ এনকাউণ্টাৰেও প্ৰতিৰোধ কৰিব পৰা নাই গৰুৰ অবৈধ বেপাৰ৷
শেহতীয়াকৈ খানাপাৰাত তিৰপালেৰে ঢাকি নিয়া এগাড়ী গৰু ধৰিছিল জাতীয় সংগঠন আৰু ৰাইজে৷ কিন্তু তথাপি এই সৰবৰাহ বন্ধ নহ’ল৷ এতিয়াও নিশা সদায় মেঘালয়লৈ নি থকা হৈছে অবৈধ গো-ধন৷
সদায় কমেও ২০ লাখ টকাৰ গৰু এখন ট্ৰাকতে চালান দিয়া হৈছে৷ দৈনিক অবৈধ গৰু বেপাৰৰ পৰিমাণ প্ৰায় ডেৰ কোটি টকা৷
তেওঁলোকৰ গৰু বেপাৰ বন্ধ কৰিবলৈ আৰক্ষীৰো সাহস নাই৷ ট্ৰাকত তুলি বাংলাদেশলৈ নিয়া গৰু আকৌ অসমৰ ভিন্নপ্ৰান্তৰ পৰা সৰবৰাহ কৰা হৈছে৷ চোৰৰ পৰাও মাফিয়াই কিনিছে গৰু৷
বাংলাদেশী মুছলমানে খাবলৈ অসমৰ গৰু পঠিয়াই আছে মাফিয়াই৷ সেইসকলৰ আছে দীঘল হাত৷
0
