ছিন্থেটিক গাখীৰ খোৱাৰ ফলত গৰ্ভৱতীৰ হ’ল গৰ্ভপাত

চাবোনৰ গুড়ি, ইউৰিয়া আৰু ক’ষ্টিক ছ’ডা মিহলাই গাখীৰ উৎপাদন
বিহুতো নাখাব দৈ
চহৰৰ দৈ খালেই গৰ্ভৱতীৰ পাৰে গৰ্ভপাত
চিনাকি গোৱালৰ বাদে আনৰ পৰা গাখীৰ নিকিনিব৷ বজাৰত ধুনীয়াকৈ সজাই থোৱা দৈৰ টেকেলিবোৰ কিনি বিপদ মাতি নল’ব৷
বৰ্তমান অসমৰ বজাৰত ওলাইছে কৃত্ৰিম গাখীৰ৷ মানৱ দেহৰ বাবে সাংঘাতিক ক্ষতিকাৰক ফৰ্মেলিনো গাখীৰত মিহলোৱা হৈছে৷ আনকি ইউৰিয়া দি প্ৰস্তুত কৰিছে দৈ৷ মধ্য অসমৰ এখন জিলাত ধৰা পৰিছে ইউৰিয়াৰে বনোৱা থমা দৈ৷ সেইবোৰ ম’হৰ দৈ বুলি বেপাৰীয়ে বিক্ৰী কৰিছে৷
বিহুৰ সময়ত গাখীৰৰ বৰ্ধিত চাহিদা পূৰণ কৰিবলৈ এইধৰণৰ পন্থা অৱলম্বন কৰিছে বেপাৰীয়ে৷ গোপনীয়তাৰ খাতিৰত চৰকাৰী বিষয়াই জনোৱা মতে তিনিদিনলৈ গাখীৰ নফটাকৈ ৰাখিবলৈ ফৰ্মেলিন ব্যৱহাৰ কৰা হৈছে৷ চালানি মাছত ওলোৱা ফৰ্মেলিন গাখীৰতো ধৰা পৰিছে৷
লগতে পুৰণি গাখীৰ বিক্ৰী কৰিবলৈ ব্যৱহাৰ কৰিছে বৰিক পাউদাৰ, ক’ষ্টিক ছ’ডা আৰু হাইড্ৰ’জেন পেৰ’ক্সাইডৰ দৰে ভয়ংকৰ ৰাসায়নিক পদাৰ্থ৷ গাখীৰত পেন উঠাবলৈ চাবোনৰ গুৰিপৰ্যন্ত প্ৰয়োগ কৰিছে বেপাৰীয়ে৷
ইউৰিয়াৰে তৈয়াৰ কৰা ছিন্থেটিক গাখীৰ স্বাস্থ্যৰ বাবে হানিকাৰক৷ এইবোৰ খালে শিশুসকল এমিন’ এচিডজনিত ৰোগত আক্ৰান্ত হয়৷ কৃত্ৰিম গাখীৰৰ দৈ খোৱাৰ ফলত বিহুৰ বতৰত গৰ্ভৱতীৰ গৰ্ভপাত হ’ব পাৰে বুলি প্ৰকাশ কৰিছে চিকিৎসকে৷
পথাৰত ব্যৱহাৰ কৰা ইউৰিয়াৰে তৈয়াৰ কৰা গাখীৰ খালে ভিটামিনৰ সলনি দেহত সোমাব বিহ৷ গতিকে লোভতে নাখাব দৈ৷

Please follow and like us:

0