ভাগৰুৱা মুখ্যমন্ত্ৰীক অভাৰটেক কৰিলে ৰণোজ পেগুৱে
মুখ্যমন্ত্ৰী বিদেশত থকাৰ সুবিধা লৈ ক্ষমতা প্ৰদৰ্শন কৰিলে মন্ত্ৰী পেগুৱে
হয়, আকৌ আগৰ ফৰ্মলৈ উভতি গৈছে ৰণোজ পেগু৷ বিজেপিৰ সত্ৰত শৰণ লোৱাৰ পূৰ্বে ৰণোজ পেগু যিধৰণৰ দুৰ্দান্ত ছাত্ৰনেতা আছিল, সেয়া এতিয়া কল্পনাই কৰিব নোৱাৰি৷ তেওঁ আগতে প্ৰায়ে পথত কৰিছিল আন্দোলন৷ বৰ্তমান মুখ্যমন্ত্ৰী গৈছে নেডাৰলেণ্ডলৈ৷ সেয়ে ৰণোজ পেগু হৈ পৰিছে পূৰ্বৰ দুৰ্ধৰ্ষ বাঁওপন্থী বিপ্লৱীৰ দৰে উজ্জ্বীৱিত৷
এতিয়া চাব
ৰণোজ পেগুৱে আজি পুৱা প্ৰায় ৭ বজাত মেট্ৰিকৰ ৰিজাল্টৰ বিষয়ে বৰ্ণনা কৰি ছ’চিয়েল মিডিয়াত দিছিল এটা পোষ্ট৷ তেতিয়া পুৱা ৩ বাজিছিল নেডাৰলেণ্ডত৷ জেট লেগে আক্ৰান্ত কৰা ডঃ হিমন্ত বিশ্ব শৰ্মা আমষ্টাৰডামত কাহিলী পুৱা শুইহে আছিল৷ তেতিয়াই ছেগ বুজি তাহানিৰ বিপ্লৱী নেতাজনৰ দৰে মুখ্যমন্ত্ৰীক অভাৰটেক কৰি দিলে ৰণোজ পেগুৱে৷
যোৱাবাৰ তেওঁ কোৱামতে একোৱেই হোৱা নাছিল৷ প্ৰতিবাৰে ৰণোজপেগুৱে কৰা দাবীৰ ওলোটাটোহে হৈছিল৷ এইবাৰো প্ৰথমে তেনে হৈছিলেই৷ কিন্তু ৰণোজ পেগুৱে খামুচি ধৰিলে খোপনি৷ মুখ্যমন্ত্ৰী বৰফৰ দেশলৈ যোৱাৰ সুবিধা লৈ ঘোষণা কৰি দিলে ফলাফল৷
অৱশ্যে বিগত সময়ত তেনেদৰেই পৰাক্ৰম প্ৰদৰ্শন কৰিছিল ৰণোজ পেগুৱে৷ তেওঁ উত্তৰ অসমৰ ৰাজনীতিত আন্দোলন কৰি ঢোকা ঢোকে পানী খুৱাই দিছিল পৰাক্ৰমী নেতা৷
হঠাতে নাজানো কি হৈছিল- শেঁতা পৰি গৈছিল ৰণোজ পেগু৷ কিন্তু আজি আকৌ ফৰ্ম ওভতাই পালে মন্ত্ৰীজনে৷ তাহানিৰ আন্দোলনকাৰীৰ দৰে হৈ পৰিল দুৰ্দান্ত৷
0
