শয়নে সপোনে কেৱল অমিত শ্বাহক দেখে
৬০ বছৰীয়া অমিত শ্বাহৰ প্ৰেমত মতলীয়া ১৮ বছৰীয়া কিশোৰী
ইনষ্টাগ্ৰামত গৃহমন্ত্ৰীক কৰিছে প্ৰেম নিবেদন
দেশৰ গৃহমন্ত্ৰী অমিত শ্বাহক বৰমাল্য পিন্ধোৱাৰ সপোন দেখিছে সন্ধ্যা বিশ্বাসে৷ পশ্চিমবংগৰ ১৮ বছৰীয়া সন্ধ্যাই মুকলিকৈ প্ৰেমৰ প্ৰস্তাৱ দিছে অমিত শ্বাহক৷ দৰকাৰ পৰিলে অমিত শ্বাহৰ দ্বিতীয় পত্নী হ’বলৈয়ো ৰাজী হৈছে সন্ধ্যা৷
সুন্দৰী বালিকা ইনষ্টাগ্ৰামৰ জনপ্ৰিয় মডেল৷ সন্ধ্যা বিশ্বাসৰ আছে ১৭ হাজাৰ ফল’ৱাৰ্ছ৷ কিন্তু সন্ধ্যাই অনুৰাগী যুৱকৰ প্ৰেম প্ৰস্তাৱ প্ৰত্যাখ্যান কৰিছে৷ তেওঁৰ কল্পনাৰ প্ৰেমিক হৈছে অমিত শ্বাহ৷
ইনষ্টাগ্ৰামত অমিত শ্বাহৰ প্ৰতি সন্ধ্যাই কৰিছে প্ৰেম নিবেদন৷ গৃহমন্ত্ৰীক টেগ কৰিও সন্ধ্যাই প্ৰেম প্ৰস্তাৱ দিছে৷ মাত্ৰ ১৮ বছৰীয়া সন্ধ্যা এতিয়াও প্ৰাপ্তবয়স্ক নহয়৷ তথাপি দেশৰ ৬০ বছৰীয়া গৃহমন্ত্ৰীৰ প্ৰেমত হাবুডুবু খাইছে সন্ধ্যাই৷
বালিকা সন্ধ্যাই অমিত শ্বাহৰ প্ৰতিটো প’ষ্টতে কৰিছে লাভ ৰিয়েক্ট৷ গৃহমন্ত্ৰীৰ ফটোত লাভ ছিম্বল দি দি ভাগৰি পৰিছে তেওঁ৷ তথাপি অদ্যপি অমিত শ্বাহে দিয়া নাই সঁহাৰি৷ সেইবাবে দুখ পাইছে সন্ধ্যাই৷
অমিত শ্বাহৰ ফটো এফালে ৰাখি সন্ধ্যাই ৰীল বনাইছে৷ নাচি বাগি অমিত শ্বাহৰ প্ৰতি বাৰে বাৰে আগবঢ়াইছে প্ৰেমৰ প্ৰস্তাৱ৷ গৃহমন্ত্ৰী ৬০ বছৰীয়া হ’লেও সন্ধ্যাৰ সমস্যা নাই৷ ইমানেই ভাল পায় যে অমিত শ্বাহৰ সংগ লাভ কৰিলেই সুখী হ’ব সন্ধ্যা৷
এবাৰ হা বুলি ক’বলৈ অমিত শ্বাহক খাটনি জুৰিছে সন্ধ্যাই৷ বয়সৰ পাৰ্থক্যৰ বাবে সমস্যা নহয় বুলি আগতীয়াকৈ সন্ধ্যাই দিছে প্ৰতিশ্ৰুতি৷
তেওঁৰ হৈ অমিত শ্বাহক ক’বলৈয়ো সকলোকে অনুৰোধ কৰিছে প্ৰেয়সী সন্ধ্যাই৷ বৰ্তমান গৃহমন্ত্ৰীৰ প্ৰেমে উন্মনা কৰি তুলি বংগতনয়া সন্ধ্যাক৷
0
