প্ৰতিজ্ঞাবদ্ধ দ্ৰৌপদীৰ দৰে চুলি মেলি তেওঁ সোমাইছিল৷ কিন্তু ওলাই আহিল বিজয়ী যাজ্ঞসেনীৰ দৰে৷
দিনটো আৰ্যপ্ৰিয়া (আৰয়াপ্ৰিয়া পঢ়িবা)ভূঞাৰ বাবে কিছু ব্যতিক্ৰম আছিল৷ তেওঁৰ কল্পিত প্ৰেমিক ধোনি সেইদিনা আছিল গুৱাহাটীৰ বিলাসী হোটেলত৷ ধোনিক চাবলৈ বসতিস্থল ইণ্ডোনেছিয়াৰ বালিৰ পৰা গুৱাহাটীত উপস্থিত হৈছিল অসম তনয়া আৰ্যপ্ৰিয়া৷
তথাপি ধোনিৰ উপস্থিতিয়ে ইমান সৌভাগ্য কঢ়িয়াই আনিব বুলিও ভাবিব পৰা নাছিল আৰ্যপ্ৰিয়াই৷ তেতিয়ালৈ অখ্যাত আৰ্যপ্ৰিয়াৰ ইনষ্টাগ্ৰাম্ত ফল’ৱাৰ আছিল ডেৰ হেজাৰ৷
বৰ্ষাপাৰাত ৰাজস্থান ৰয়েলছৰ বিৰুদ্ধে মেচত ধোনি আউট হোৱাৰ পিছতে আৰ্যপ্ৰিয়াই যি ভংগী দেখুৱালে, তাৰ পিছতে তেওঁ হৈ পৰিল ভাইৰেল৷
কোনোবাই ক’লে আছামীজ পুকি, কোনোবাই নাম দিলে ধোনিৰাণী৷ কিন্তু আৰ্যপ্ৰিয়াৰ নাম হৈ পৰিল জনাজাত৷ অখ্যাত যুৱতীৰ ৰূপৰ পোহৰে ছাট মাৰি ধৰিলে দৰ্শকৰ চকু৷
সেইদিনাৰ মেচৰ টিকটটো আৰ্যপ্ৰিয়াৰ বাবে হৈ পৰিল লটীৰ টিকটৰ দৰেই৷ ইনষ্টাগ্ৰামত সেই ভংগী ভাইৰেল হৈ পৰাৰ পিছত আৰ্যপ্ৰিয়াৰ ফল’ৱাৰ বাঢ়িল ২ লাখ ৮০ হেজাৰলৈ৷
আৰ্যপ্ৰিয়া নামৰ সেই অখ্যাত যুৱতীগৰাকীৰ হালধিয়া পোছাকযোৰে মন কাঢ়ি নিলে অজস্ৰ অনুৰাগীৰ৷ কিউটীপাই বুলি প্ৰশংসাৰে ওপচাই পেলালে আৰ্যপ্ৰিয়াক৷
বিদেশনিৱাসী অসম তনয়াই উপভোগ কৰিছে জনপ্ৰিয়তা৷ বৰ্ষাপাৰাৰ গেলাৰীৰ পৰা ছ’চিয়ালৈ মিডিয়ালৈ তেওঁ হৈ পৰিছে টক অৱ দ্য টাউন৷
0
