আহি আছে সনাতনী ব’ৰ্ড
হিন্দুৰ বাবেও স্থাপিত হ’ব সুকীয়া ব’ৰ্ড
ৱাকফ মানে কি?
ৱাকফৰ অৰ্থ হৈছে স্বেচ্ছাই ঈশ্বৰৰ নামত স্থায়ীভাৱে দান কৰা সম্পত্তি৷ এবাৰ ৱাকফ ব’ৰ্ডৰ অধীনস্থ সম্পত্তি কোনেও ঘূৰাই নাপায়৷
দেশ স্বাধীন হোৱাৰ ৭ বছৰৰ পিছতে প্ৰণয়ন কৰা আইনখন ১৯৯৫ চনত আকৌ নতুনকৈ চৰকাৰে বলৱৎ কৰিছিল৷ ২০১৩ চনত ডঃ মনমোহন সিঙৰ কাৰ্যকালত সংশোধনীৰ জৰিয়তে আইনখনে অপাৰ ক্ষমতা লাভ কৰিছিল৷
প্ৰচলিত নীতি অনুসৰি এখন এডোখৰ মাটি যদি মুছলমানে কবৰখানা হিচাপে ব্যৱহাৰ কৰে, তেন্তে সেই ভূমি ৱাকফ সম্পত্তি হৈ পৰে৷ কিন্তু নতুন আইনৰ মতে সেয়া নহ’ব৷
ৱাকফ ব’ৰ্ডত সোমাব হিন্দু প্ৰতিনিধি৷ লগতে জিলা আয়ুক্তৰো ওপৰৰ খাপৰ বিষয়াই ৱাকফ ব’ৰ্ডৰ সম্পত্তিৰ জৰীপ কৰিব৷ আগতে ৱাকফ সম্পত্তিৰ বিচাৰ ৱাকফ ট্ৰিবিউনেলত হৈছিল৷ এতিয়াৰ পৰা ন্যায়ালয়ত হ’ব৷
সৰ্বোপৰি ৱাকফ আইন সংশোধন কৰি চৰকাৰে সনাতনী ব’ৰ্ড প্ৰতিষ্ঠাৰ পথ প্ৰশস্ত কৰিছে৷ ৰাষ্ট্ৰীয় সংবাদ মাধ্যমৰ বতৰা অনুসৰি এই বাজেট অধিৱেশনত ৱাকফ ইছ্যু নিষ্পত্তি হ’লেই সনাতনী ব’ৰ্ড স্থাপনৰ পৰ্ব আৰম্ভ কৰা হ’ব৷
২০২৬ চনৰ মে’ত অসমৰ উপৰি কেবাখনো ৰাজ্যত আছে নিৰ্বাচন৷ গতিকে অহাবছৰৰ বাজেট অধিৱেশনৰ পূৰ্বে সনাতনী ব’ৰ্ড বিধেয়ক উত্থাপন কৰিব চৰকাৰে৷
ইতিমধ্যে এই পৰ্ব কিছু আগুৱাইছে চৰকাৰে৷ বিহাৰ আৰু পশ্চিমবংগৰ ভোটাৰক আকৃষ্ট কৰিবলৈ কেন্দ্ৰই সনাতনী ব’ৰ্ড আৰু হিন্দু আইনৰ বিষয়ে উপস্থাপন কৰিছে৷ ৱাকফ ব’ৰ্ডক ক্ষমতাহীন কৰি পেলোৱাৰ লগে লগে উত্থাপিত হৈছে সনাতনী ব’ৰ্ডৰ কথা৷
0
