বিগ বাজেটৰ চিনেমাত ব্যস্ত দুই চিনাকি অভিনেতা

লাইট-কেমেৰা-একশ্যন
চিনেমা এখনৰ শ্বুটিং আৰম্ভ হৈছে৷ কৰিশ্মা নাথ আৰু শুকুৰ আলিৰ অভিনয়েৰে পূ্ণগতিত চলি আছে শ্বুটিং৷ নাগাৰা নামৰ মহিলা পাঠিকা কৰিশ্মাৰ প্ৰেমিকৰ চৰিত্ৰত অভিনয় কৰিছে শুকুৰ আলিয়ে৷ চাহ দোকান ফ্ল’প হোৱাৰ পিছত চিনেমা জগতলৈ উভতি গৈছে শুকুৰ৷
নাগাৰা নামৰ ব্যস্ততাৰ মাজতে কৰিশ্মাই চিনেমাখনৰ বাবে সময় উলিয়াইছে৷ তেওঁ নায়ক শুকুৰ আলিক কৈছে
ইউ আৰ ছ’ হেণ্ডছাম
শুকুৰ আলিয়েও প্ৰেমিকাৰূপী কৰিশ্মাক লগ কৰিবলৈ যোৱাত দেৰী হোৱাৰ বাবে কাণত ধৰি ক্ষমা বিচাৰিছে৷ হেণ্ডছাম প্ৰেমিকক ক্ষমাও কৰিছে প্ৰেয়সীৰূপী কৰিশ্মাই৷
চিনেমাখনৰ শ্বুটিঙৰ লোকেশ্যন গোপন কৰি ৰাখিছে পৰিচালকে৷ সম্ভৱতঃ শ্বুটিঙৰ স্থলীত ফেনৰ ভিৰ হয় বুলিয়েই গোপনে কৰা হৈছে কামবোৰ৷ চিনেমাখনৰ নামো বৰ্তমানপৰ্যন্ত ৰাজহুৱা কৰা নাই৷
বিগ বাজেটৰ চিনেমাৰ নায়ক শুকুৰৰ অভিনয় এটা শ্বটতে অ’কে হৈছে৷ কৰিশ্মাৰো অভিনয় নাগাৰা নামৰ দৰেই হৈছে নিখুঁত৷
দুয়োৰে মণিকাঞ্চন সংযোগত চিনেমাখনৰ শ্বুটিং পূৰ্ণোদ্যমে চলিছে৷ নিৰ্বাচনত প্ৰতিদ্বন্দ্বিতাৰ পিছত চাহৰ দোকানতো ফেইল হোৱা শুকুৰ আলি অভিনয়ৰ মাজতে হৈ গৈছে বিলীন৷ তেওঁ স্পৰ্শ কৰিছে কৰিশ্মা নাথৰ সুকোমল গালখন৷
চিনেমাখনত অভিনয় কৰি সন্তুষ্ট বুলি প্ৰকাশো কৰিছে শুকুৰে৷ তেওঁৰ অৱশ্যে চিনেমাত অভিনয়ৰ আছে অভিজ্ঞতা৷ পূৰ্বেও শুকুৰে কেবাটাও মিউজিক ভিডিঅ’ত অভিনয় কৰিছে৷
অৱশ্যে এইবাৰ শুকুৰে চেলিব্ৰিটী নায়িকাৰ সৈতে প্ৰথম অভিনয় কৰিছে৷ কৰিশ্মা নাথৰ দৰে নামজ্বলা পাঠিকাৰ সৈতে শুকুৰে কৰিছে প্ৰেমৰ অভিনয়৷ বিগ বাজেটৰ চিনেমাখন ছুপাৰহিট হ’ব বুলিয়েই আশা কৰিছে শুকুৰে৷

Please follow and like us:

0