RSSয়ে দায়িত্ব দিলে কিষাণ ৰেড্ডীক

দুপৰীয়া চোকা ৰ’দ মূৰত লৈ বশ্যতা স্বীকাৰ কৰিলে নৰেন্দ্ৰ মোদীয়ে৷ বিজেপিৰ পৰৱৰ্তী সভাপতি আৰু পশ্চিমবংগৰ নিৰ্বাচনৰ বিষয়ে RSSক সকলো সিদ্ধান্ত গ্ৰহণৰ ক্ষমতা দিলে প্ৰধানমন্ত্ৰীয়ে৷
বৰ্তমান পশ্চিম বংগত বিজেপিৰ উত্থান প্ৰয়োজনীয় বুলি RSSয়ে গণ্য কৰিছে৷ ৰাজ্যখনত নিৰ্বাচনী কুচতাৱাজৰ দায়িত্ব সংঘকে চমজাই দিছে মোদীয়ে৷ হিন্দুত্বৰ অকাল বোধনৰ বাবে RSSয়ে গ্ৰহণ কৰিছে দায়িত্ব৷
নাগপুৰৰ সভাত বিজেপিৰ পৰৱৰ্তী সভাপতিৰ বিষয়ে হৈছে আলোচনা৷ RSS আৰু মোদী মনোহৰ লাল খট্টৰৰ নিযুক্তিক লৈ সহমতত উপনীত হোৱা বুলি জানিব পৰা গৈছে৷ হাৰিয়ানাৰ প্ৰাক্তন মুখ্যমন্ত্ৰী তথা বৰ্তমান কেন্দ্ৰীয় মন্ত্ৰী মনোহৰ লাল পূৰ্বে আছিল সংঘৰ পূৰ্ণকালীন প্ৰচাৰক৷
গতিকে তেওঁক বিজেপিৰ ৰাষ্ট্ৰীয় সভাপতি পাতিবলৈ সংঘ সন্মত হৈছে৷ তদুপৰি RSSৰ তৰফৰ পৰা বিজেপিৰ লেকাম টানি থাকিব জি কিষাণ ৰেড্ডীয়ে৷ তেওঁ হ’ব দলৰ নতুন প্ৰশাসনিক সাধাৰণ সম্পাদক৷
বৰ্তমান কেন্দ্ৰীয় মন্ত্ৰী হিচাপে কৰ্মৰত মনোহৰ লাল খট্টৰে শীঘ্ৰে মন্ত্ৰীসভাৰ পৰা পদত্যাগ কৰিব৷ তেওঁ বিজেপিৰ নতুন সভাপতি হিচাপে দায়িত্ব পালন কৰিব৷ কিন্তু চিৰকুমাৰ নেতাজন প্ৰশাসনীয় দিশত নহয় সবল৷ হাৰিয়ানাৰ মুখ্যমন্ত্ৰী হিচাপে তেওঁ কৃষক আন্দোলনৰে মোকাবিলা কৰাত ব্যৰ্থ হৈছিল৷
তথাপি পুৰণি সম্পৰ্কৰ বাবে খট্টৰক RSSয়ে গুৰুত্ব দিছে৷ লগতে প্ৰধানমন্ত্ৰীয়েও খট্টৰৰ নিযুক্তিত সন্মতি প্ৰকাশ কৰিছে৷ অৱশ্যে নেতাজনে অকলশৰে বিজেপিক পৰিচালনাৰ সুযোগ লাভ নকৰে৷ তেওঁক নিৰীক্ষণৰ বাবে সংঘৰ প্ৰতিনিধি হৈ থাকিব কিষাণ ৰেড্ডী৷

Please follow and like us:

0