মোক শৃংখল চলিহাই মাৰিলে
মদৰ নিচাত মাতাল হৈ আছিল শৃংখল চলিহা
মোৰ ভয় লাগিছে
(এইখিনি বজাই দিব, ভাগ ভাগকৈ)
এই কথাষাৰ কোনো অনা অসমীয়াই কোৱা নাই৷ শিৱসাগৰতে জাতীয়তাবাদী নেতা শৃংখল চলিহাই চৰিওৱাৰ অভিযোগ তুলি কৈছে অংশুমান হাজৰিকা নামৰ খাটি অসমীয়া যুৱকজনে৷ অসমৰ বাল থাকৰে বুলি নিজকে উপস্থাপন কৰিবলৈ চেষ্টা কৰা শৃংখলে মদৰ নিচাত মাতাল হৈ নিশা প্ৰহাৰ কৰা যুৱকজনে বৰ্তমান প্ৰাণৰ শংকাত ভুগিছে৷
অংশুমান হাজৰিকা নামৰ যুৱকজন অৱশ্যে চহকী ব্যৱসায়ী নহয়৷ তেওঁ শিৱসাগৰ পৌৰসভাৰ হৈ প্ৰতি সন্ধ্যা ব্যৱসায়িক প্ৰতিষ্ঠানৰ পৰা মাচুল সংগ্ৰহ কৰা কৰ্মীহে৷
অভিযোগ অনুসৰি ২৯ মাৰ্চৰ সন্ধ্যাও কৰ্তব্য সমাপন কৰি অংশুমানে এজন বন্ধুলৈ ফোন কৰিছিল৷ বন্ধুজনে পুৰণি জিলা পুথিভঁৰালৰ ফিল্ডলৈ মাতি পঠিয়াইছিল অংশুমানক৷ বীৰ লাচিত সেনাই আয়োজন কৰা অনুষ্ঠানৰ বাবে বন্ধুৱে মতাৰ পিছত অংশুমান তাত উপস্থিত হ’ল৷
তেতিয়াই শৃংখল চলিহাই যুৱকজনক কাষলৈ মাতিলে৷ যুৱকজনৰ মতে শৃংখলে তেওঁক চিনি পোৱা নাছিল৷ কিন্তু ভদ্ৰতাৰ খাটিৰত তেওঁ কাষ চাপি গৈছিল৷
ওচৰ পোৱাৰ পিছতে শৃংখলে চোটা ডনৰ ভিডিঅ’ৰ কথা কৈ অংশুমানক প্ৰহাৰ কৰে৷ কোনো দোষ নকৰাকৈ অংশুমানক চৰিয়াই চৰিয়াই শৃংখলে বীৰত্ব প্ৰদৰ্শন কৰিলে৷ তাৰ পিছতো শান্ত নহ’ল শৃংখল৷ জাতীয়তাবাদী নেতাজনে অংশুমানক প্ৰাণে মাৰিবলৈয়ো উদ্যত হ’ল৷
তেতিয়াই উপস্থিত লোকে অংশুমানক তাৰ পৰা আঁতৰাই পঠিয়ালে৷ পিছে তাৰ পিছতো অচিনাকি নম্বৰৰ পৰা বাৰম্বাৰ অংশুমানলৈ গৈছে ফোন৷ এই সন্দৰ্ভত যুৱকজনে আৰক্ষীৰ কাষ চাপিছে৷ কিন্তু সহায় নোপোৱাৰ অভিযোগ তুলিছে অংশুমানে৷
সাধাৰণ কাম কৰি জীৱিকা নিৰ্বাহ কৰি থকা অংশুমানৰ ওপৰত কিয় শৃংখলে হাত উঠালে তাৰো কাৰণ ওলোৱা নাই৷ কিন্তু তেতিয়া শৃংখলে মদ্যপান কৰি থকাটো প্ৰত্যক্ষদৰ্শীয়ে নিশ্চিত কৰিছে৷ শিৱসাগৰত অসমীয়াৰ বিপ্লৱৰ হোতা শৃংখলে এই চৰ যেন মাৰিছে অসমীয়া জাতিক৷
0
