কেনেকৈ কান্দিছে শুনকচোন
মানুহে ভাঙি পেলাইছে সিঁহতৰ ঘৰবোৰ
দুপৰ নিশা খকুৱা মানুহে দখল কৰিছে অৰণ্য
দুখতে বুকু ভাঙি কান্দিছে সিহঁতে৷ মানুহক অভিশাপ দি ইনাই-বিনাই কান্দিছে অঘৰী চৰাইৰ জাকে৷ কিন্তু প্ৰকৃতি ধ্বংসৰ পৰিণাম ভোগ কৰাৰ পিছতো চেতনা লাভ কৰা নাই লুভীয়া মানুহে৷ ধনৰ লোভত এজাক ময়ূৰে বাস কৰা অৰণ্যত চলাই দিছে বুলড’জাৰ৷
হায়দৰাবাদ বিশ্ববিদ্যালয়ৰ অধীনস্থ ৪০০ একৰ মাটিৰ অৰণ্যত উচ্ছেদ কৰিবলৈ সিদ্ধান্ত লৈছিল তেলেংগানা চৰকাৰে৷ সেই সিদ্ধান্তৰ বিৰোধিতা কৰিছিল শিক্ষাৰ্থীয়ে৷ তদুপৰি আদালততো চলিছিল গোচৰ৷
কিন্তু ইয়াৰ মাজতে কালি নিশা শয়নৰত চৰাইজাকক অঘৰী কৰি অৰণ্যত চলোৱা হ’ল বুলড’জাৰ৷ কৰ্প’ৰেট গোষ্ঠীক অৰণ্য বিক্ৰী কৰিবলৈ শতাধিক গছ কাটি পেলালে চৰকাৰে৷ প্ৰতিবাদৰ ভয়ত নিশা অৰণ্যখন কৰি পেলালে উছন৷
মাজনিশা বুলড’জাৰৰ কৰ্কশ শব্দকো চেৰ পেলাই চিঞৰি চিঞৰি কান্দিলে ময়ূৰ চৰাইবোৰে৷ নিশাই শতাধিক হৰিণ অঘৰী হ’ল৷ বসতিস্থল মানুহে এদিনতে ধ্বংস কৰি পেলালে৷ গতিকে সিহঁতৰ নোহোা হ’ল ঘৰ৷
উক্ত স্থানত বিশাল হোটেল নিৰ্মাণ কৰিবলৈ তেলেংগানা কংগ্ৰেছ চৰকাৰে মনস্থ কৰিছে৷ গতিকে মাটিখিন কৰ্প’ৰেট গোষ্ঠীক চমজাই দিছে চৰকাৰে৷ এই সন্দৰ্ভত আদালতৰ নিৰ্দেশকো চৰকাৰে উলংঘা কৰিছে৷
প্ৰতিবাদৰ আশংকাত ধ্বংস কৰি পেলাইছে প্ৰকৃতি৷ উক্ত অৰণ্যত বাস কৰা অজস্ৰ জীৱ-জন্তুৱে হেৰুৱাইছে ঘৰ৷ মাজনিশা সাৰ পোৱা সকলোৱে শুনিছে অঘৰী চৰাইৰ ক্ৰন্দন৷
0
