দিলোৱাৰ আগত
গৌৰৱ পিছত
মুখ্যমন্ত্ৰীৰ দুখ, মিঞাৰ সুখ
মুখ্যমন্ত্ৰীয়ে কৈছিল
মই বিচৰা নাই যে
দিলোৱাৰ আগে আগে, গৌৰৱ গগৈ পিছে পিছে যাব…মুখ্যমন্ত্ৰীয়ে পাকে-প্ৰকাৰে বুজাই দিলে মুছলমান হিন্দুৰ আগত থকাটো তেওঁ ভাল নাপায়৷ ডঃ হিমন্ত বিশ্ব শৰ্মাই এই কথাটো কোৱাৰ পিছতে বন্ধ হৈ গ’ল অসমৰ বাণিজ্য৷
মুখ্যমন্ত্ৰীয়ে মিঞা খটম কৰি দিয়াৰ কথা ক’লে- কিন্তু ঈদৰ উপলক্ষত মুছলমানে বন্ধ কৰি দিলে ৰাজ্যৰ ব্যৱসায়৷ গুৱাহাটীৰ কথা নকওৱেই- যোৰহাট, ডিব্ৰুগড়, গোলাঘাট আৰু শোণিতপুৰৰো বজাৰ ঈদত বন্ধ হৈ গ’ল৷ সমগ্ৰ অসমৰ কমেও ৭০ শতাংশ ব্যৱসায় যে মুছলমানৰ দখলত আছে সেয়াও এদিনতে প্ৰমাণিত হ’ল৷
মুখ্যমন্ত্ৰীৰ বক্তব্যৰ বিষয়ে চৰজমিন বিশ্লেষণৰ বাবে আমাৰ প্ৰতিবেদকে ডিব্ৰুগড়ৰ বজাৰ পৰিভ্ৰমণ কৰিছিল৷ তেতিয়া দেখা গ’ল- পাইকাৰী দামত সামগ্ৰী বিক্ৰী কৰা ৭০ শতাংশ দোকানেই বন্ধ৷ দোকানীয়ে কূৰ্তা-পাইজামা আৰু টুপী পিন্ধি বাইক চলাই ফুৰিছে৷
আগৰৰ সুগন্ধি লেপি মুছলমানে ঈদ উদযাপন কৰাৰ ফলত যোৰহাটৰো বজাৰ বন্ধ হৈ থাকিল৷ গোলাঘাটতো ৬০ শতাংশ দোকানত ওলমি থাকিল তলা৷
নগাঁৱৰ ধিং, ৰহা আদিত দিন মজুৰী কৰিবলৈয়ো নোহোৱা হ’ল শ্ৰমিক৷ তেজপুৰৰ চক বজাৰত অঘোষিত অসম বন্ধ হৈ গ’ল৷
অৰ্থাৎ মুখ্যমন্ত্ৰীয়ে যিমানে ক’লেও ইতিমধ্যে হিন্দুৰ তুলনাত বহুদূৰ আগুৱাই গ’ল অসমৰ মুছলমান৷ তেওঁলোকে মাৰোৱাৰীৰ সৈতে ফেৰ মাৰি ব্যৱসায়িক উন্নতি কৰিছে৷ গতিকে ঈদৰ উপলক্ষত বন্ধ হৈ গৈছে অসমৰ বাণিজ্য৷
সেয়ে মুখ্যমন্ত্ৰীয়ে ক’লেই নহ’ব- বৰ্তমান ইচ্ছা কৰিলেও অৰ্থনৈতিক দিশত মুছলমানক অসমৰ হিন্দুৱে পিছ পেলাব নোৱাৰে৷
0
