পইচা খৰচ নকৰাকৈয়ে ৰণোজ পেগুৱে কৰিলে বিশ্ব ৰেকৰ্ড
বিনা পইচাতে শিক্ষামন্ত্ৰীৰ ৱৰ্ল্ড ৰেকৰ্ড
গুৱাহাটীত পাইপ ফুটিয়েই সিমানবাৰ পানী লিক হোৱা নাই, যিমানবাৰ ৰণোজ পেগুৰ কাৰ্যকালত পৰীক্ষাৰ পেপাৰ লিক হ’ল৷ শিক্ষামন্ত্ৰী হিচাপে ডাঃ ৰণোজ পেগুৱে কাৰ্যনিৰ্বাহ কৰা সময়ছোৱাত সৰ্বাধিকবাৰ অসমত পেপাৰ লিক হ’ল৷
মেট্ৰিকৰ পৰা হায়াৰ ছেকেণ্ডাৰীলৈ সৰ্বাধিকবাৰ পেপাৰ লিকৰ সময়ছোৱাৰ শিক্ষামন্ত্ৰী হিচাপে অভিলেখ ৰচনা কৰিলে একালৰ বাওঁপন্থী ছাত্ৰনেতা ৰণোজ পেগুৱে৷
এতিয়া চাওক
বিহুনাচৰ বিশ্ব অভিলেখৰ বাবে অসম চৰকাৰে ১০০ কোটি টকা ব্যয় কৰিলে৷ ঝুমুৰৰ গিনীজ ৰেকৰ্ড কৰিবলৈয়ো খৰচ কৰা হ’ল প্ৰায় ৭৭ কোটি টকা৷ ইমান খৰচৰ দিনটো এটকাও ব্যয় নকৰাকৈ বিশ্ব ৰেকৰ্ড কৰি পেলালে ৰণোজ পেগুৱে৷
ৰণোজ পেগুৰ বিফলতাৰ পিছত বিষয়টোত মুখ্যমন্ত্ৰীয়ে হস্তক্ষেপ কৰিবলগীয়া হ’ল৷ বিভাগীয় মন্ত্ৰীয়ে পেপাৰ লিক হোৱাৰ ফলত পৰীক্ষা বন্ধ কৰি থৈ দিলে৷ শেষত মুখ্যমন্ত্ৰীয়ে ইংগিত দিলে- অৱশিষ্ট পৰীক্ষা আকৌ অনুষ্ঠিত নহয়৷
এইবাৰ পৰীক্ষাৰ বাবে পঢ়ি কষ্ট কৰিব নালাগে অসমৰ ফাৰ্ষ্ট ইয়েৰৰ পৰীক্ষাৰ্থীয়ে৷ ফাৰ্ষ্ট ইয়েৰক অসম চৰকাৰেই ৰেষ্ট ইয়েৰ হিচাপে ঘোষণা কৰি দিছে৷ অৰ্থাৎ পৰীক্ষা অবিহনে অল এলাও কৰিব শিক্ষা বিভাগে৷
পেপাৰ লিক হোৱাৰ পিছত বন্ধ ৰখা পৰীক্ষাবোৰ বাতিল কৰি সকলো পৰীক্ষাৰ্থীকে ছেকেণ্ড ইয়েৰলৈ পাছ কৰাই দিব অসম চৰকাৰে৷
এই সকলোবোৰ সম্ভৱ হৈছে ৰণোজ পেগুৰ জহত৷ তেওঁ পেপাৰ লিকৰ বিশ্ব ৰেকৰ্ড কৰাৰ বাবেই শিক্ষাৰ্থীয়ে নপঢ়াকৈয়েই কৰিছে পাছ৷
0
