গ্ৰকৰ ভয়ত ঘিবলি কৰিছে প্ৰধানমন্ত্ৰীয়ে৷ এলন মাস্কৰ গ্ৰকে বিজেপিৰ অভ্যন্তৰীণ তথ্য প্ৰকাশ কৰাৰ পিছত ঘিবলিত ব্যস্ত হৈ পৰিছে প্ৰধানমন্ত্ৰীৰ পৰা মুখ্যমন্ত্ৰীলৈ সকলো মহাৰথী৷ ছ’চিয়েল মিডিয়াত ঘিবলিৰ এনিমেটেড ফটো আপলোড কৰিছে নেতাগণে৷
ঘিবলি ট্ৰেণ্ড আৰম্ভ হোৱাৰ পিছতে প্ৰধানমন্ত্ৰীয়ে ছ’চিয়েল মিডিয়াত আপলোড কৰিছিল এখন এনিমেটেড ফটো৷ কাজিৰঙাত জীপ ছাফাৰীৰ সময়ত মূল ফটোখন ঘিবলিৰ জৰিয়তে এনিমেশ্যন কৰি তেওঁ আপলোড কৰিছিল৷ একেদৰে মুখ্যমন্ত্ৰীয়েও আগবঢ়াই নিছে ঘিবলি ট্ৰেণ্ডক৷
কিন্তু এই নতুন ট্ৰেণ্ডটোত কিয় প্ৰধানমন্ত্ৰীয়েও অংশগ্ৰহণ কৰিছে সেয়াহে ৰহস্যৰ কথা৷ বিগত সময়ত মোদীয়ে ডিজিটেল ইণ্ডিয়াৰ আহ্বানেৰে সকলোকে প্ৰফাইল পিকছাৰ সলনিৰ আহ্বান জনাইছিল৷ তাৰ পিছত কিন্তু বহুদিন সাৰ-সুৰ নাছিল৷
হঠাতে আকৌ ওলালহি ঘিবলি৷ গতিকে এলন মাস্কৰ গ্ৰকক বাধা দিয়াৰ বাবেই খোদ মোদীয়েও ঘিবলি ট্ৰেণ্ডত অংশগ্ৰহণ কৰিছে নেকি বুলিও হৈছে প্ৰশ্ন৷
আনহাতে অসমৰ মুখ্যমন্ত্ৰীয়েও নতুন ট্ৰেণ্ডত অংশগ্ৰহণ কৰিছে৷ অৰ্থাৎ নতুন নতুন ডিজিটেল ট্ৰেণ্ডক সমৰ্থন কৰিছে মুখ্যমন্ত্ৰীয়ে৷
কিন্তু তেৱেঁই কিছুদিন পূৰ্বে নিউজ প’ৰ্টেল অসমৰ সংবাদ মাধ্যমৰ অংশ নহয় বুলি অভিহিত কৰিছিল৷ অৰ্থাৎ ঘিবলিক আদৰি ল’লেও নিউজ প’ৰ্টেলক এতিয়াও মুখ্যমন্ত্ৰীয়ে গ্ৰহণ কৰিব পৰা নাই৷
0
