বৰ্ষাপাৰাত বৰষুণ নাহিল, তথাপি হ’ল প্ৰেমৰ বৃষ্টি
সেয়া আছিল গুৱাহাটীৰ পৰা IPLৰ বিদায়ৰ বিষণ্ণ সন্ধ্যা৷ বিজয়াৰ বিষণ্ণ সন্ধ্যা দেৱী বিসৰ্জনৰ পৰত যি পৰিৱেশ হয়, তেনেকুৱাই হৈছিল বৰ্ষাপাৰা ষ্টেডিয়ামত৷
গুৱাহাটীৰ পৰা বছৰটোলৈ বিদায় লৈছিল IPLয়ে৷ ৰজস্বলা সন্ধ্যাত বৰ্ষাপাৰাত তথাপি নিজানে-নিতালে নামিছিল প্ৰেমৰ বন্যা৷ লাজতে প্ৰেমাস্পদক সাবটি ধৰিব পৰা নাছিল, পিছে বৰ্ষাপাৰাতে প্ৰেমৰ ঘোষণা কৰিছিল আলহী মালাইকা আৰোৰাই৷
অৰ্জুন কাপুৰে যে কেৱল তেওঁৰ শৰীৰটোকহে ভাল পাইছিল সেয়া বুজি উঠাত দেৰী হৈছিল মালাইকাৰ৷ সেয়ে অৰ্জুনক সৰ্বস্ব সঁপি দিছিল তেওঁ৷ কিন্তু প্ৰতাৰণাই বেদনাহত কৰা মালাইকা হঠাতে উপস্থিত হ’ল বৰ্ষাপাৰাত৷
হওতে ক্ৰিকেটৰ সৈতে মালাইকাৰ সম্পৰ্ক নাই৷ তথাপি ৰাজস্থান ৰয়েলছৰ টি-ছাৰ্ট পিন্ধি সুন্দৰীয়ে ডাগ আউটৰ পৰা মেচ উপভোগ কৰিলে৷ তেওঁৰ কাষতে বহি থাকিল শ্ৰীলংকাৰ নামজ্বলা ক্ৰিকেটৰ কুমাৰ ছাংগাকাৰা৷ যি বৰ্তমান ৰাজস্থান ৰয়েলছৰ ডাইৰেক্টৰ অৱ ক্ৰিকেট৷
ছাংগাকাৰাৰ সুখৰ সংসাৰ ইতিমধ্যে ভাঙি গৈছে৷ নিজৰ দেশৰ আদালতত চলি আছে তেওঁ বিবাহ বিচ্ছেদৰ কে’ছ৷ তাৰ মাজতে মালাইকাক লৈ গুৱাহাটীত উপস্থিত হৈছে ছাংগাকাৰা৷ মালাইকাক কাষত বহুৱাই চাইছে দলৰ মেচ৷
মালাইকায়ো ছাংগাকাৰাৰ সৈতে পাতিছে কথা৷ ৰসাল আলোচনাত সঘনাই হাঁহিছে৷ তাৰ পিছতে আৰম্ভ হোৱা প্ৰেমৰ চৰ্চা বৰ্তমান সত্য প্ৰমাণিত হৈছে৷
ৰাষ্ট্ৰীয় সংবাদ মাধ্যমে প্ৰকাশ কৰিছে- শ্ৰীলংকাৰ বোৱাৰী হ’ব মালাইকা৷ তেওঁ পূৰ্বেও নিজতকৈ বয়সত সৰু প্ৰেমিকৰ প্ৰতি আসক্তি প্ৰকাশ কৰিছিল৷ এইবাৰো বিদেশী প্ৰেমিক ছাংগাকাৰা মালাইকাতকৈ চাৰিবছৰে সৰু৷ অৰ্জুনৰ দৰেই সৰু ল’ৰাৰ সৈতেই প্ৰেম জমি উঠিছে মালাইকাৰ৷
নতুন প্ৰেমাস্পদ ছাংগাকাৰাৰ নিমন্ত্ৰণ ক্ৰমেই বৰ্ষাপাৰালৈ আহিছিল মালাইকা৷ পুৱা এনেকৈ ঘৰত পৰি থকা মালাইকাই দিনত মুম্বাইৰ ষ্টুডিঅ’ত হিপ হপ ইণ্ডিয়াৰ শ্বুটিং কৰিলে৷ সন্ধিয়া উপস্থিত হ’লহি গুৱাহাটীত৷ বৰ্ষাপাৰাৰ পৰাই মালাইকাই ছাংগাকাৰা সৈতে প্ৰেমৰ কৰিলে ঘোষণা৷
বিদেশী প্ৰেমিকক লাজতে সাবটি ধৰা নাছিল মুন্নীয়ে
