ম্যানমাৰৰ দৰেই অৱস্থা হ’ব অসমৰ

অসমে শিক্ষা লওক
প্ৰকৃতিয়ে ৱাৰ্নিং দিছে অসমক৷ অন্যথা
ম্যানমাৰৰ দৰেই হ’ব অসমৰ অৱস্থা
ভূমিকম্পই মষিমূৰ কৰি পেলোৱা ম্যানমাৰ যিকোনো মুহূৰ্ততে উটুৱাই লৈ যাব পাৰে বলীয়া বানে৷ ভূমিকম্পই ম্যানমাৰৰ বৃহৎ নদীবান্ধৰ গাঁথনি ভাঙি পেলোৱাৰ পৰিপ্ৰেক্ষিতত এই সংশয়ৰ সূচনা হৈছে৷
হিমালয় পাদদেশীয় ৰাষ্ট্ৰখনত আছে ছাং, মাইটিছং আৰু থাপনজেইক জলবিদ্যুৎ প্ৰকল্প৷ এই নদীবান্ধসমূহত আছে চীনা বিনিয়োগ৷ পানীত টাৰ্বাইন ঘূৰাই বিদ্যুৎ উৎপাদনৰ বাবে নৈত ভেটা বান্ধিছিল ম্যানমাৰৰ সামৰিক জুণ্টা চৰকাৰে৷
পিছে প্ৰকৃতিৰ তাণ্ডৱৰ সময়ত ৰাষ্ট্ৰীয় সম্পদ বৰ্তমান ৰাষ্ট্ৰীয় সমস্যা হৈ পৰিছে৷ চৰকাৰে জৰুৰী অৱস্থা ঘোষণা কৰিছে ঠিকেই, কিন্তু বান্ধ ভাঙি যিকোনো মুহূৰ্ততে ব্ৰহ্মদেশ প্লাৱিত হোৱাৰ আশংকা গা কৰি উঠিছে৷
এই বিভীষিকাই অসমৰ গেৰুকামুখৰ প্ৰকল্পৰ ভয়াৱহতাকো প্ৰতিফলিত কৰিছে৷ উজনি অসমৰ ভূমিকম্পপ্ৰৱণ পাহাৰীয়া এলেকাত নিৰ্মাণ কৰা বান্ধত এপ্ৰিলৰ পৰাই বিদ্যুৎ উৎপাদন কৰিবলৈ সাজু হৈছে NHPC৷
কিন্তু তাৰ পূৰ্বেই ম্যানমাৰৰ ঘটনাই অসমৰ জনতাক দিছে সতৰ্ক কৰি দিছে৷ বৰ্তমান এদল ভূ-বিজ্ঞানীয়ে ম্যানমাৰৰ নদীবান্ধ ৰক্ষাৰ উপায় বিচাৰি হাবাথুৰি খাইছে৷ জলপ্ৰলয়ৰ বাবে প্ৰস্তুতি চলাবলৈয়ো সকীয়াই দিয়া হৈছে জনতাক৷ অৰ্থাৎ অসমতো সামান্য জোকাৰণিতে অৱধাৰিত হৈ পৰিব এনে পৰিস্থিতি৷ বলীয়া বানে যিকোনো মুহূৰ্ততে উটুৱাই নিব ম্যানমাৰ৷ একেটা পথৰে পথিক হৈছে অসম৷
অসমৰ যি ঠাইত বৃহৎ নদীবান্ধ নিৰ্মাণ কৰা হৈছে, সেই গেৰুকামুখ ভূমিকম্পপ্ৰৱণ হিচাপে বিজ্ঞানীয়ে আগতেই অভিহিত কৰিছে৷ গতিকে বৃহৎ নদীবান্ধে অসম ধ্বংস কৰিবলৈ ৭.৭ প্ৰাবল্যৰ জোকাৰণিৰ দৰকাৰ নাই৷ তাতকৈ কম শক্তিশালী ভূমিকম্প হ’লেই পানীয়ে এফালৰ পৰা উটুৱাই নিব অসমৰ ৰাইজক৷

Please follow and like us:

0