পত্নীয়ে গম নোপোৱাকৈ সুন্দৰী নাৰীৰ সান্নিধ্য বিচাৰি গৈছিল বিদেশ৷ পাটায়াৰ পথতে ৰৈ থকা বগী বগী যুৱতীৰ সৈতে গা ঘেলাই আনন্দও কৰিছিল৷ কিন্তু হঠাতে আহিল নহয় ভূমিকম্পটো!
ঘৰৰ মানুহজনীয়ে নজনাকৈ নাৰীদেহৰ উম বিচাৰি যোৱা অসমীয়া ডেকাবোৰ ধৰা পৰিল৷ হঠাতে সকলো শেষ কৰি দিলে ভূমিকম্পই৷
পত্নীক নোকোৱাকৈ থাইলেণ্ডলৈ গৈছিল ডিব্ৰুগড়ৰ ১৪ জনীয়া যুৱকৰ দল৷ একেদৰে যোৰহাটৰো ৬ জনীয়া যুৱকৰ দল এটায়ো পাটায়াত প্ৰমোদ বিহাৰ কৰি আছিল৷ কিন্তু ভূমিকম্পৰ পিছত থাইলেণ্ডৰ চৰকাৰে বিদেশী পৰ্যটকক গোট খুৱাইছে৷ সেইখিনিলৈয়ো সকলো ঠিকে আছিল৷ পিছে হঠাতে কমি গৈছে থাইলেণ্ডৰ পৰা ভাৰতলৈ বিমান৷
ভূমিকম্পৰ পিছত ইউৰোপৰ পৰ্যটকক ততালিকে যাত্ৰাৰ সুবিধা দিছে থাইলেণ্ড চৰকাৰে৷ একেদৰে বেংকক বিমান বন্দৰৰো বিস্তৰ ক্ষতি হৈছে৷ সেয়ে ২০ শতাংশ বিমানেহে চলাচল কৰিছে৷
ভাৰত-থাইলেণ্ডৰ ৮০ শতাংশ বিমানেই চলাচল কৰা নাই৷ গতিকে তিনিদিনৰ বাবে গৈ বেংকক আৰু পাটায়াত বন্দী হৈ পৰিছে পত্নীয়ে নজনাকৈ যোৱা যুৱক৷
ডিব্ৰুগড়ৰ কেবাগৰাকী মহিলাক স্বামী কুশলে থকাৰ খবৰ দিছে দূতাৱাসে৷ তাৰ পিছতহে আচৰিত হৈ পৰিছে তেওঁলোক৷ কাৰণ স্বামীয়ে বেংকক ফুৰিবলৈ যোৱাৰ কথা তেওঁলোকে গমেই নাপালে৷
ঘৰৰ মানুহজনীক অকলে এৰি বেংককৰ বগী মহিলাৰ বুকুত এৰাতি শুবলৈ গৈ বেয়াকৈ বন্দী হ’ল অসমৰ যুৱক৷ ভূমিকম্প বেংককত হ’ল, কিন্তু এতিয়া ডিভ’ৰ্চ হ’ব অসমত৷
0
