মুম্বাই ইণ্ডিয়ানছে বেচ প্ৰাইচ ৩০ লাখ টকাত ক্ৰয় কৰিছিল ২৩ বছৰীয়া ৱিগনেশক
নৱাগত ক্ৰিকেটাৰজন অটো চালকৰ পুত্ৰ
বয়স মাত্ৰ ২৩ বছৰ ।
বাওঁহতীয়া স্পীনাৰ ৱিগনেশে এতিয়াও কেৰালাৰ হৈ ছিনিয়ৰ ক্ৰিকেট খেলা নাই। আনকি তেওঁ পেছাদাৰী টি-২০ মেচো এতিয়ালৈকে এখনো খেলা নাছিল।
এম এ চিদাম্বৰম ষ্টেডিয়ামত IPLত মুম্বাই ইণ্ডিয়ানছৰ ইমপেক্ট প্লেয়াৰ হিচাপেহে ৱিগনেশ সোমাইছিল৷
ৰোহিত শৰ্মাৰ স্থানত প্ৰৱেশ কৰিছিল ৱিগনেশে। প্ৰথম অভাৰৰ প্ৰথম পাঁচটা বলত এটাও ৰান দিয়া নাছিল ৱিগনেশে।
নিজৰ ৪ অ’ভাৰত ৩২ ৰান দি তিনিটাকৈ উইকেট দখল কৰি আই পি এলৰ অভিষেকতে ৱিগনেশে দেখুৱাই দিলে হাতৰ শক্তি৷ নৱাগত বলাৰজনৰ বিপক্ষে সকলো বেটছমেন ছিক্সাৰ কোবাবলৈ গৈয়েই হৈছিল আউট৷
কিন্তু IPLত মাত্ৰ ৩০ লাখটকীয়া ৱিগনেশে যি চাঞ্চল্যৰ সৃষ্টি কৰিছে, তেনে একোৱেই চমৎকাৰ কৰিব পৰা নাই ২৭ কোটিটকীয়া ঋষভ পণ্টে৷
অটোচালকৰ পুত্ৰ ৱিগনেশ হৈ পৰিছে চলিত IPLৰ চাঞ্চল্য৷ এই সফলতাৰ ধাৰা তেওঁ অক্ষুণ্ণ ৰাখিব পাৰিলে টীম ইণ্ডিয়ালৈ যাত্ৰা হৈ পৰিব সহজ৷
পৰম্পৰাগত স্পীনৰ শৈলীৰে বেটছমেনক ইন্দ্ৰজালত আবদ্ধ কৰা ৱিগনেশে ক্ৰীজতে তৈয়াৰ কৰিছে চক্পবেহু৷ য’ত সোমাই পথ হেৰুৱাইছে নামী-দামী বেটছমেনে৷
0
