বিভাজন নিশ্চিত হৈ পৰিছে শ্ৰীমন্ত শংকৰদেৱ সংঘৰ
বহিষ্কৃত সদস্যই গঠন কৰিবলৈ ওলাইছে নতুন সংগঠন
বিতৰ্কৰ পিছত এছিয়াৰ সৰ্ববৃহৎ আধ্যাত্মিক অনুষ্ঠান শ্ৰীমন্ত শংকৰদেৱ সংঘটৰ বিভাজন হৈ পৰিছে অৱধাৰিত৷ শেহতীয়াকৈ বামুণীয়া ভতিজাকৰ বিয়া খোৱাৰ দোষত সংঘই ১ নং ডলা প্ৰাথমিক শাখাৰ পৰা বহিষ্কৃত হৈছে দিনৌ ভূঞা আৰু শিৱ ভূঞা৷
কিন্তু তাৰ পিছতে ওলাইছে সংঘৰ বিভাজনৰ খবৰ৷ বৰ্তমানৰ বিষয়ববীয়াৰ একছত্ৰী শাসনত অতিষ্ঠ কৰ্মকৰ্তায়েই অনুষ্ঠানটোৰ অভ্যন্তৰীণ ফাট নিশ্চিত কৰিছে৷
নাম প্ৰকাশত অনিচ্ছুক এজন শীৰ্ষ পদবীধাৰীয়ে প্ৰকাশ কৰা অনুসৰি তেওঁ কিছুদিনৰ ভিতৰতে সংঘ ত্যাগ কৰিব৷ বৰ্তমানৰ শীৰ্ষ বিষয়ববীয়াই তালিবানী পদ্ধতিৰে সংঘ চলাইছে বুলি তেওঁ ক্ষোভ প্ৰকাশ কৰিছে৷
এইপৰ্যন্ত তেওঁ গোপনীয়তাৰ চৰ্ততহে মন্তব্য কৰিছে৷ কিন্তু কিছুদিনৰ পিছত তেওঁ সংঘৰ বাব ত্যাগ কৰি সমান্তৰাল সংগঠন স্থাপন কৰিবলৈ বাহাল ৰাখিছে কুচকাৱাজ৷
তেওঁ প্ৰকাশ কৰা অনুসৰি বৰ্তমান সংঘৰ সৈতে জড়িত ৪ হাজাৰ সংগীয়ে একেলগে ত্যাগ কৰিব শ্ৰীমন্ত শংকৰদেৱ সংঘ৷ তেওঁলোকে নিজা নিজা প্ৰাথমিকৰ সদস্য পদো ত্যাগ কৰিব৷
উজনি অসমত ৪২ খন প্ৰাথমিকে সমূহীয়াভাৱে সংঘ ত্যাগ কৰিব৷ এইসমূহৰ সকলো সদস্যই এৰিব সংঘ৷
তাৰ পিছতে নতুন সংগঠনটোত ক্ষোভিত সদস্যসকলে যোগদান কৰিব৷ অৱশ্যে সংঘৰ একাধিক বিদায়ী সদস্যই শ্ৰীমন্ত শংকৰদেৱ সমাজৰো সদস্যপদ গ্ৰহণ কৰিব৷
কিন্তু ৯০ শতাংশ ক্ষোভিত বাপ-বান্ধৱে নতুন সংগঠন স্থাপন কৰিব৷ তেওঁলোকে শ্ৰীমন্ত শংকৰদে সংঘক প্ৰত্যাহ্বান জনাই ঘোষণা কৰিব সংগঠনৰ নাম৷
আমি লাভ কৰা খবৰ অনুসৰি যোৰহাটতে এই সংগঠনটোৰ আৰম্ভণিৰ বিষয়ে ঘোষণা কৰা হ’ব৷ প্ৰগতিশীল চিন্তাধাৰাৰ সংগঠনটোৰ নেতৃত্বত থাকিব এজন আহোম পণ্ডিত৷ যি পূৰ্ব সংঘৰো গুৰি ধৰিছিল৷
0
