চৰকাৰী নিষেধাজ্ঞা যিমানে বাঢ়িছে, সিমানে বৃদ্ধি হৈছে গৰু মাংসৰ প্ৰচলন৷ ৰাজহুৱা স্থানত চৰকাৰে বন্ধ কৰাৰ পিছত মুছলমানে বেছিকৈহে খাবলৈ ধৰিছে গো-মাংস৷ ৰমজান মাহতে কেৱল নামনি অসমত সদায়েই বিক্ৰী হৈছে কুইণ্টল হিচাপত গো-মাংস৷ কেৱল বৰপেটাতে ৬ কুইণ্টল গো-মাংস ভক্ষণ কৰিছে মুছলমানে৷ চাহিদা পূৰণ কৰিবলৈ অসাধু ব্যৱসায়ী গৰুৰ লগত মিলাইছে ঘোঁৰাৰ মাংস৷
চৰজমিন নিৰীক্ষণৰ বাবে বৰপেটাৰ এটা চৰত আমি দেখা পাইছোঁ গো-মাংসৰ অধিকমাত্ৰাত প্ৰচলন৷ চৰকাৰী নিৰ্দেশনা তেওঁলোকে পূৰামাত্ৰাই মানি চলিছে৷ ৰাজহুৱা স্থানত খোৱা নাই গৰু মাংস৷ কিন্তু নিষেধাজ্ঞাৰ বাবে বিদ্ৰোহী হৈ পৰিছে মুছলমান৷
বিগত দুবছৰ ৰমজানত সচৰাচৰ গো-মাংস বিক্ৰী ইমান বেছি হোৱা নাছিল৷ ইফতাৰৰ পিছত মুছলমান অধ্যুষিত এলেকাত সীমিত পৰিমাণে গৰু মাংস বিক্ৰী কৰা হয়৷ পূৰ্বে হৈছিল যদিও স্বাস্থ্য সজাগতাৰ বাবে ৰমজানত কমিছিল গো-মাংসৰ প্ৰচলন৷
পিছে এইবাৰ কেৱল এটা চৰতে ৬ কুইণ্টল গৰু মাংস বিক্ৰী হৈছে৷ সমগ্ৰ নামনি অসমত যে টন হিচাপে গো-মাংস মাংস বিক্ৰী হৈছে সেয়া অৱধাৰিত৷ বৰপেটাতে যোৱা কিছুদিনধৰি নাটনি হৈছে গৰুৰ৷ সেয়ে বেপাৰীয়ে অধিক দামত কিনিছে গৰু৷ কিছু ঠাইত গৰু মাংসৰো দাম বাঢ়িছে৷
অৱশ্যে অসমৰ মুছলমানে আইন ভংগ কৰা নাই৷ তেওঁলোকে নিৰ্দেশনা অনুসৰিয়েই ব্যক্তিগতভাৱে ভক্ষণ কৰিছে গৰু মাংস৷ কিন্তু পূৰ্বৰ তুলনাত অধিক হৈছেগৈ গো-মাংসৰ চাহিদা৷
নাম প্ৰকাশত অনিচ্ছুক বেপাৰীয়ে জনোৱা মতে বৰ্ণিবাৰীৰ পৰা তেওঁ প্ৰতিদিনে বৰপেটালৈ নিছে ৩ লাখ টকাৰ গৰু৷ তথাপি মাংসৰ চাহিদা পূৰণ কৰিব পৰা নাই৷
অসমৰ ভিন্ন স্থানৰ পৰা নি যোৰাবাটত নমোৱা গৰুৰ আধাখিনি নামনি অসমতে বিক্ৰী হৈছে৷ তদুপৰি আন পথেৰেও নি থকা হৈছে গৰু৷ এইবাৰ ৰমজানত হেঁপাহ পলুৱাই গো-মাংস খাইছে মুছলমানে৷
0
