চৰকাৰী বুলড’জাৰে এফালৰ পৰা মোহাৰি পেলাইছে দুখীয়াৰ ঘৰ৷ জ্বলিছে জুই৷ সেই জুয়ে ছাৰখাৰ কৰা ঘৰৰ ভিতৰলৈ দৌৰ মাৰিছে এটি কণমানিয়ে৷ তাই থিতাতে বুকুত নিজৰ কিতাপকেইখন সাবটি ওলাই আহিছে৷
এই দৃশ্যটোৱে কন্দুৱাইছে জনতাক৷ উত্তৰ প্ৰদেশৰ আম্বেদকাৰ নগৰত উচ্ছেদৰ সময়ত অনন্যা নামৰ কণমানিয়ে নিজৰ কিতাপকেইখন উদ্ধাৰ কৰাৰ দৃশ্যটো এবাৰ চাওকচোন…
…
অযোধ্যা জিলাৰ চহৰখনৰ চৰকাৰী ভূমিত গঢ়ি উঠিছিল এটা অবৈধ কলনী৷ যাৰ বাবে প্ৰশাসনে চলালে উচ্ছেদ৷ কিন্তু তেতিয়াও দুৰ্ঘটনাবশতঃ অগ্নিকাণ্ড সংঘটিত হ’ল৷ বুলড’জাৰেৰে ঘৰ ভঙাৰ সময়ত জুই লাগি গ’ল৷
তেতিয়াই কিন্তু হঠাতে ঘৰৰ ভিতৰলৈ দৌৰ মাৰিলে অনন্যাই৷ মাতৃৰ বাধা নেওচি তাই ঘৰৰ ভিতৰলৈ গৈ নিজৰ কিতাপ-বহী উদ্ধাৰ কৰিলে৷ কিতাপকেইখন বুকুত সাবটি লৈ থিতাতে ঘৰৰ পৰা তাই ওলাই আহিল৷
অনন্যাই অৱশ্যে ঠিকেই কৈছে৷ শিশুটিৰ মতে কিতাপ-বহী জ্বলি যোৱাহেঁতেন তাই স্কুললৈ যাবই নোৱাৰিলেহেঁতেন৷ সেয়ে দৌৰি গৈ থিতাতে ঘৰৰ পৰা উলিয়াই আনিলে কিতাপকেইখন৷
ঘৰ ভাঙি পেলোৱাৰ পিছতো যাতে শিক্ষাগ্ৰহণ কৰিব পাৰে তাৰ বাবে কিতাপকেইখন উদ্ধাৰ কৰিলে অনন্যাই৷ এই দৃশ্যটো দেখি কান্দি পেলাইছে অগণন ভাৰতীয়ই৷ অনন্যাৰ মুখখনে বহুতকে আমনি কৰিছে৷
কান্দি কান্দি শিশুটিয়ে ঘৰৰ পৰা কিতাপ উলিয়াই অনাৰ দৃশ্যটোৱে প্ৰকাশ কৰিছে দেশৰ প্ৰকৃত ছবিখন৷ কিতাপকেইখনৰ প্ৰতি অনন্যাৰ মৰমে জোকাৰি পেলাইছে মানৱ দৰদীৰ অন্তৰ৷
0
