ৰিয়ান পৰাগ ৰাজস্থানৰ অধিনায়ক হ’ব পাৰে৷ কিন্তু IPLখেলা প্ৰথমজন অসমীয়া হৈছে আবু নেছিম আহমেদহে৷
অসম দলৰ পেচাৰ আবু নেছিমে ২০১০ চনত IPL খেলিছিল৷ ২০১৩ চনলৈ মুম্বাই ইণ্ডিয়ানছৰ হৈ খেলিছিল আভুৱে৷ সেইবাৰ খিতাপ জয় কৰা দলৰো তেওঁ আছিল সদস্য৷
২০১৪ চনৰ পৰা ২০১৬ চনলৈ ৰয়েল চেলেঞ্জাৰছ বেংগালুৰুৰ অন্যতম প্ৰধান পেচ বলাৰ আছিল আবু নেছিম আহমেদ৷
IPLত অসমৰ প্ৰথমজন প্ৰতিনিধি হিচাপে আবু নেছিমৰ দৰ আছিল ১ কোটি টকা। তেওঁ IPL কেৰিয়াৰত মুঠ ১৭খন মেচ খেলি ১২টা উইকেট দখল কৰিছিল৷
য’ত ইক’নমী ৰেট আছিল ৮.৬৯। আবু নেছিম আহমেদে ২০১৬ চনত অন্তিমবাৰলৈ IPL খেলিচিল৷ তাৰ পিছতে তেওঁৰ কেৰিয়াৰৰ প্ৰায় সমাপ্তি ঘটিল৷
অৱশ্যে ২০২৩লৈ আবু নেছিম আহমেদে ঘৰুৱা ক্ৰিকেট খেলি আছিল৷ সেই বছৰৰে ফেব্ৰুৱাৰীত আবুৱে ক্ৰিকেটৰ পৰা অৱসৰ গ্ৰহণ কৰিলে৷
২৩ বছৰীয়া ক্ৰিকেট কেৰিয়াৰৰ পিছত আবু নেছিম বৰ্তমান নিজৰ একাডেমীত ব্যস্ত হৈ আছে৷ জালুকবাৰীৰ আবু নেছিমে প্ৰশিক্ষণ প্ৰদান কৰিছে যুৱ প্ৰতিভাক৷
ঘৰুৱা ক্ৰিকেটত চাঞ্চল্যৰ সৃষ্টি কৰা আবু নেছিমে টীম ইণ্ডিয়াত স্থান পোৱাৰো সম্ভাৱনা উজ্জ্বল হৈ উঠিছিল৷ কিন্তু BCCIৰ লবীৰ বাবে তেতিয়া সেই সুযোগ আবুৱে লাভ নকৰিলে৷
উন্নত প্ৰদৰ্শনৰ পিছতো জাতীয় দলৰ নিৰ্বাচকৰ সুদৃষ্টি লাভ কৰিবলৈ আবু নেছিম আহমেদ সক্ষম নহ’ল৷ কিন্তু তেওঁৰে উত্তৰাধিকাৰী ৰিয়ান পৰাগে দখল কৰিলে ৰাজস্থান ৰয়েলছৰ নেতৃত্ব৷
0
