অটোৰিক্সাৰ পিছফালে বাংলাদেশৰ পতাকা লগাই নিৰ্ভয়ে অসমত ঘূৰি ফুৰিছে৷ বাংলাদেশৰ পতাকাখন ইচ্ছা অনুসৰিয়েই লগাই লৈছে বুলিও লোকজনে স্বীকাৰ কৰিছে৷ অসমৰ ৰাজপথত অটোৰিক্সা চলোৱাৰ সময়ত তেওঁ প্ৰদৰ্শন কৰিছে বাংলাদেশৰ জাতীয় পতাকা৷
এইখন অসমতে দৃষ্টিগোচৰ হৈছে ঘটনাটো৷ অসমৰ এখন প্ৰান্তীয় জিলাৰ বাসিন্দাজন হৈছে অটোচালক৷ তেওঁ নিজৰ বাহনৰ পিছফালে বাংলাদেশৰ পতাকাখন কোনো ভয় অবিহনে লগাই লৈছে৷ সকলোৱে দেখাকৈ অটোৰ পিছফালে আঠা মাৰি লগাইছে বাংলাদেশৰ সেউজীয়া পতাকা৷
এই ঘটনাৰ পিছত তেওঁক একাংশ লোকে সোধা-পোছা কৰিছিল৷ কিন্তু তেতিয়াও লোকজনে স্বীকাৰ কৰিলে বাংলাদেশৰ পতাকা লগোৱাৰ কথা৷ দেশখনৰ প্ৰতি থকা প্ৰেমৰ বাবেই পতাকাখন লগাই লোৱা বুলি তেওঁ দাবী কৰিলে৷
তাৰ পিছতো লোকজনৰ বিৰুদ্ধে কোনোৱে ব্যৱস্থা গ্ৰহণ কৰা নাই৷ বাংলাদেশৰ প্ৰতি পূৰ্বৰে প্ৰতি থকা মৰমৰ কথা প্ৰকাশ কৰাৰ পিছতো আইনী নজৰত পৰা নাই বিশেষ লোকজন৷
অৱশ্যে তেওঁৰ পূৰ্বেও নামনিৰ প্ৰভাৱশালী ৰাজনৈতিক নেতা অৰূপ কুমাৰ দে’য়ে নিজকে বাংলাদেশী বুলি স্বীকাৰ কৰিছে৷ সকলো বাংলাভাষী লোকেই বাংলাদেশী বুলি পৰোক্ষভাৱে দাবী কৰিছে BTRৰ কাৰ্যবাহী সদস্যজনে৷
তেওঁৰ এই দাবীৰ পিছদিনাই অসমৰ পথত অৱিৰ্ভাব হৈছে এখন বাংলাদেশী অটোৰিক্সাৰ৷ গাড়ীত বাংলাদেশৰ পতাকা লগাই লোকজনে নিৰ্বিঘ্নে কৰি ফুৰিছে ভ্ৰমণ৷
অসমৰ পথত বাংলাদেশী পতাকা সন্নিৱিষ্ট গাড়ী চলায়েই তেওঁ ভাৰা মাৰিছে৷ কিন্তু চাবলৈ কাৰোৰে নাই সময়৷
0
