সম্ভৱত: শীঘ্ৰে বিলুপ্ত হ’ব কলেজিয়াম৷ ন্যায়াধীশ নিযুক্তিৰ কৰ্তৃত্বধাৰী কলেজিয়াম প্ৰথা সমাপ্ত কৰিবলৈ উদ্যত হৈছে কেন্দ্ৰ৷ বিগত সময়তে চৰকাৰে ৰাষ্ট্ৰীয় ন্যায়িক নিযুক্ত আয়োগ স্থাপনৰ অৱশ্যে চেষ্টা কৰিছিল৷
পিছে ছুপ্ৰিম ক’ৰ্টে খাৰিজ কৰিছিল কেন্দ্ৰৰ প্ৰস্তাৱ৷ প্ৰধানমন্ত্ৰী, বিৰোধী দলপতি আদি থকা ন্যায়িক আয়োগে ন্যায়াধীশ নিযুক্তি দিয়াটো বন্ধ কৰিছিল ন্যায়ালয়ে৷ তাৰ সলনি পূৰ্বৰ কলেজিয়ামেই বাহাল ৰখা হৈছিল৷
গতিকে ছুপ্ৰিম ক’ৰ্টৰ ৫ জনীয়া কলেজিয়ামেই নিযুক্ত দি আহিছে ন্যায়াধীশ৷ পিছে সম্প্ৰতি ন্যায়াধীশ যশোৱন্ত বাৰ্মাৰ ঘৰত ১৫ কোটি টকা ওলোৱাৰ পিছত পট পৰিৱৰ্তন ঘটিছে৷ আকৌ কলেজিয়ামৰ সলনি ৰাষ্ট্ৰীয় ন্যায়িক নিযুক্তি আয়োগ স্থাপনৰ দিহা কৰিছে চৰকাৰে৷
সমৰ্থিত সূত্ৰই সদৰী কৰা অনুসৰি ন্যায়াধীশৰ সন্দেহজনক কাণ্ড ফাদিল হোৱাৰ পিছত ৰাজনৈতিক পৰ্যায়ত কলেজিয়াল বিলুপ্ত কৰিবলৈ প্ৰক্ৰিয়া চলোৱা হৈছে৷ এই সন্দৰ্ভত জে পি নড্ডা আৰু মল্লিকাৰ্জুন খৰ্গেৰ সৈতে আলোচনা কৰিছে উপ-ৰাষ্ট্ৰপতি জগদীপ ধনখড়ে৷ গতিকে কেন্দ্ৰই যে নিয়ম সলনি কৰিবলৈ চেষ্টা চলাইছে সেয়া হৈ পৰিছে নিশ্চিত৷
প্ৰস্তাৱিত ৰাষ্ট্ৰীয় ন্যায়িক নিযুক্তি আয়োগ অৰ্থাৎ NJACত প্ৰধানমন্ত্ৰীৰ সৈতে থাকিব দুগৰাকী জ্যেষ্ঠ কেন্দ্ৰীয় মন্ত্ৰী৷ লগতে বিৰোধী দলপতি আৰু দেশৰ মুখ্য ন্যায়াধীশো এই কমিটীত থাকিব৷
অৰ্থাৎ সম্পূৰ্ণ ৰাজনৈতিক হ’ব ন্যায়াধীশৰ নিযুক্তি৷ কলেজিয়াম বিলুপ্তি কৰি মোদীয়ে নিয়োগ কৰিব দেশ আদালতৰ বিচাৰকক৷
0
