গোটেই নগাঁও চহৰখন গোন্ধাই গৈছে
সকলোৰে লক্ষ্যস্থান হৈ পৰিছে জুডিঅ’৷ কমদামত কাপোৰ কিনাৰ ইচ্ছাৰে নগঞা ৰাইজ দলে বলে জুডিঅ’ অভিমুখে ৰাওনা হৈছে৷ কিন্তু ভিৰৰ তুলনাত কাপোৰৰ বিক্ৰী হৈছে তেনেই কম৷
নগাঁও চহৰত কিছুদিন পূৰ্বে মুকলি কৰা হৈছে প্ৰথমখন জুডিঅ’ বিপণী৷ প্ৰধানতঃ জেড জেনেৰেশ্যনৰ কাপোৰ বিক্ৰী কৰা টাটা গ্ৰুপৰ এই প্ৰতিষ্ঠানত সেয়ে ঠেলা-হেঁচা লাগিছে৷
কাপোৰ কিনিবলৈ ৰাইজে জুডিঅ’ত কৰিছে ভিৰ৷ কিন্তু প্ৰতিষ্ঠানটোৰ সূত্ৰই প্ৰকাশ কৰা অনুসৰি ভিৰৰ তুলনাত তেওঁলোকৰ সামগ্ৰী বিক্ৰী হোৱা নাই৷
যিমান গ্ৰাহক জুডিঅ’ত সোমাইছে, তাৰ মাত্ৰ ২০ শতাংশইহে কাপোৰ কিনিছে৷ বাকীবোৰো পিছে এনেয়ে উভতি যোৱা নাই৷ তেওঁলোকে কেছ কাউণ্টাৰত থকা পাৰ্ফিউম ফ্ৰীতে মাৰি লৈছে৷ সেয়ে নগাঁও চহৰ জুডিঅ’ৰ পাৰ্ফিউমৰ গোন্ধেৰে আমোলমোলাই গৈছে৷
আৰম্ভণিৰ সময়ছোৱাত গ্ৰাহকক সন্তুষ্ট কৰিবলৈ জুডিঅ’ৰ কৰ্তৃপক্ষয়ো আপ্ৰাণ চেষ্টা কৰিছে৷ কোনো যাতে অসন্তুষ্ট নহয় তাৰ বাবে গ্ৰাহকক আদৰণি জনাইছে প্ৰতিষ্ঠানটোৱে৷
কিন্তু বৰ্ধিত ভিৰ যোৱা কিছুদিনৰ পৰা জুডিঅ’ৰ পৰা লাভজনক হোৱা নাই৷ ৰাইজে চেণ্ট মাৰিয়েই জুডিঅ’ৰ পৰা ঘৰলৈ উভতিছে৷
কাপোৰ কিনিছে তাকৰীয়াসংখ্য়ক গ্ৰাহকেহে৷ বাকীসকলে মাত্ৰ মাৰিছে বিনামূলীয়া পাৰ্ফিউম৷ জুডিঅ’ৰ অভাৰ ছাইজ কাপোৰ কিনাৰ সলনি সকলোৱে কাপোৰ সানি লৈছে সুগন্ধি৷
ফলত কস্তুৰী মৃগৰ কলিজাৰ দৰে গোন্ধে আমোলমোলাই গৈছে চহৰখন৷ জুডিঅ’ময় হৈ পৰিছে নগাঁও৷
0
