অসমীয়াৰ দাদাগিৰি নচলিব
মই অসমীয়া নকওঁ
মোক হিন্দীত কথা কওক
এইদৰেই এজন অসমীয়া যুৱকৰ ওছৰত দম্ভালি মাৰিছিল অনা অসমীয়া বেপাৰীয়ে৷ শদিয়াৰ শান্তিপুৰত তেওঁলোকে অসমীয়াভাষীক নিৰ্যাতনৰো চেষ্টা চলাইছিল৷
অসমীয়াৰ অন্তিম ঘাটী শদিয়াতে এনে ঘটনাৰ সৈতে দুজন বিহাৰী যুৱক জড়িত আছিল৷ তেওঁলোকে জানিও অসমীয়া নকয় বুলি মাৰিছিল দম্ভালি৷
অসমীয়া ক’বলৈ লাজ কৰা যুৱক দুজনে কৈছিল
ইয়াত অসমীয়াৰ দাদাগিৰি নচলিব
শদিয়াত অসমীয়াক অপমান কৰাৰ পিছতো কিন্তু তেওঁলোক কোনো শাস্তিৰ সন্মুখীন নহ’ল৷ অসমত ব্যৱসায় কৰি জীৱিকা নিৰ্বাহ কৰা যুৱকৰ বিৰুদ্ধে কোনো জাতীয় সংগঠনেও প্ৰতিবাদ স্যবস্ত নকৰিলে৷
ৰাইজৰ প্ৰতিবাদত বিহাৰ দিৱস বাতিল হ’ল ঠিকেই, কিন্তু শদিয়াত অসমীয়া কোৱাৰ বাবেই নিগ্ৰহৰ বলি হ’ল অসমীয়া৷
এই ঘটনাক লৈ সকলোৰে নীৰৱতাৰ পিছত কিন্তু ব্যৱস্থা গ্ৰহণ কৰিলে বীৰ লাচিত সেনাই৷ সকলোৱে নীৰৱতা অৱলম্বন কৰাৰ সময়ত বীৰ লাচিত সেনাৰ কৰ্মকৰ্তাই ৰাজহুৱাভাৱে তেওঁলোকক জবাবদিহি কৰিলে৷ ৰাইজৰ আদালতত দুয়োকে লাচিত সেনাই জেৰা কৰিলে৷
সেইসময়ত কিন্তু সলসলীয়াকৈ অসমীয়া ক’লে দুই বিহাৰী যুৱকে৷ জাতীয় সংগঠনৰ কৰ্মকৰ্তাই প্ৰশ্ন সোধাৰ সময়ত অসমীয়া ক’ব নজনা বিহাৰী যুৱকে স্পষ্টকৈ ক’লে অসমীয়া৷
তাৰ পিছতহে দুয়ো হিন্দীভাষীয়ে বিচাৰিলে ক্ষমা৷ শদিয়াত অসমীয়াক অপমান কৰা বিহাৰী যুৱকে শেষত ক্ষমাভিক্ষা কৰিবলৈ বাধ্য হ’ল৷
কিন্তু অসমৰ প্ৰান্তীয় চহৰখনতে অসমীয়াক অপমান কৰি বিহাৰী যুৱকে বুজাই দিলে নিজৰ ক্ষমতা৷
0
