সাক্ষাতৰ বাবে নৰেন্দ্ৰ মোদীক কাকূতি কৰিছে মহম্মদ ইউনুছে৷ সাহায্য বিচাৰে প্ৰধানমন্ত্ৰীক লগ ধৰিবলৈ চেষ্টা কৰি আছে বাংলাদেশৰ অন্তৰ্ৱতীকালীন চৰকাৰৰ মুৰব্বীয়ে৷
কিন্তু মহম্মদ ইউনুছৰ অনুৰোধ স্বীকাৰ কৰা নাই ভাৰতৰ বিদেশ মন্ত্ৰ্যালয়ে৷ মোদীয়ে তেওঁৰ সৈতে আলোচনা নকৰে বুলি জনাই দিয়া হৈছে বাংলাদেশ চৰকাৰৰ মুখ্য উপদেষ্টাক৷ কিন্তু এইবাৰ বিদেশত প্ৰধানমন্ত্ৰীক সাক্ষাতৰ চেষ্টা কৰিছে মহম্মদ ইউনুছে৷
বৰ্হি পৰিক্ৰমা দপ্তৰে প্ৰকাশ কৰা মতে বেংককত অনুষ্ঠিতব্য বীমষ্টেক সন্মিলনত মোদীৰ পৰা সময় বিচাৰিছে বাংলাদেশী শাসকে৷ দেশখনলৈ চাউল-দাইল বিচাৰি তেওঁ প্ৰধানমন্ত্ৰীক সাক্ষাতৰ চেষ্টা কৰিছে৷ কিন্তু সমাগত বীমষ্টেক সন্মিলনত মোদীয়ে বাংলাদেশৰ হিন্দু নিৰ্যাতনৰ প্ৰসংগ উত্থাপনৰ বাবে গ্ৰহণ কৰিছে সিদ্ধান্ত৷ সেয়ে তেওঁ মহম্মদ ইউনুছৰ আলোচনাৰ প্ৰস্তাৱ নাকচ কৰিছে৷ এই সিদ্ধান্তত বিতত হৈ পৰিছে ইউনুছ৷
কিছুদিন পূৰ্বে ভাৰত ভ্ৰমণৰ সময়ত আমেৰিকাৰ চোৰাংচোৱা সঞ্চালক তুলসী গাবাৰ্ডে ইছলামিক শক্তিয়ে বিস্তীৰ্ণ প্ৰান্তত খলিফাতন্ত্ৰ প্ৰতিষ্ঠাৰ চেষ্টা চলোৱা বুলি অভিহিত কৰিছিল৷ তাৰ পিছ মোদীয়েও বীমষ্টেকত হিন্দু নিৰ্যাতনৰ প্ৰসংগ উত্থাপনৰ চেষ্টা কৰাত শংকিত হৈ পৰিছে ইউনুছ৷
সেয়ে তেওঁ কূটনৈতিক মাধ্যমেৰে বিচাৰিছে সাক্ষাতৰ সময়৷ সমান্তৰালকৈ ভাৰতৰ পৰা সাহায্য লাভ যাতে বন্ধ নহয় তাৰ বাবে ইউনুছ সষ্টম হৈ পৰিছে৷ কিন্তু ইউনুছক লগ নধৰে বুলি কৈ দিছে মোদীয়ে৷
0
