দেশৰ কোনো এলেকাকে মিনি বাংলাদেশ অথবা পাকিস্তান বুলি কোৱাটো অবৈধ৷ মুছলমান অধ্যুষিত এলেকাক কোনেও দেশৰ ভিতৰৰে পাকিস্তান বুলি ক’ব নোৱাৰিব৷ এইদৰে ক’লেই জে’লত সোমাব লাগিব৷
কিছুদিন পূৰ্বে উক্ত নিৰ্দেশনা জাৰি কৰিছিল তৎকালীন মুখ্য ন্যায়াধীশ ডি ৱাই চন্দ্ৰচূড়ে৷ কৰ্ণাটক হাইক’ৰ্টৰ ন্যায়াধীশ বেদব্যাসচাৰ শ্ৰীছানন্দই শুনানীৰ সময়ত মুছলমান অধ্যুষিত ঠাইক পাকিস্তান বুলি কোৱাৰ বাবে খৰ্গহস্ত হৈ পৰিছিল চন্দ্ৰচূড়৷
পিছে এইবাৰ সদনতে অসমৰ ধুবুৰীক মিনি বাংলাদেশ বুলি অভিহিত কৰিছে বিজেপিৰ সুধাংশু ত্ৰিবেদীয়ে৷ তেওঁ ৰকিবুল হুছেইনৰ বিজয়ৰ আঁত ধৰি বাংলাদেশ দেশৰ ভিতৰৰে বাংলাদেশ বুলি ঘোষণা কৰিলে৷
ৰাজ্যসভাত ভাষণৰ সময়ত তেওঁ পৰোক্ষভাৱে কয় যে কেৱল মুছলমানৰ ভোটেৰে ৰকিবুল হুছেই ১০ লাখ ২৫ হাজাৰ ভোটত জিকিছে৷ অৰ্থাৎ মুছলমানৰ সংখ্যাগৰিষ্ঠতাৰ বাবে সমষ্টিটোত বিজয়ী হ’বলৈ সক্ষম হৈছে ৰকিবুল৷
ধুবুৰীক অসমৰ সাংসদেও মিনি বাংলাদেশ হিচাপে কয় বুলি তেওঁ দাবী কৰিলে৷ অৰ্থাৎ ৰাজ্যসভাৰ অধ্যক্ষৰ সন্মুখতে সুধাংশু ত্ৰিবেদীয়ে উলংঘা কৰিলে ছুপ্ৰিম ক’ৰ্টৰ নিৰ্দেশ৷
0
