কথাখিনি আগেয়ে শুনি লওক
অৱশ্যে কথাটো ৰূপজ্যোতি কুৰ্মিয়েও অস্বীকাৰ কৰা নাই৷ সামান্য বিকাৰ আছে বুলি তেৱোঁ স্বীকাৰ কৰিছে৷
কিন্তু সদনত যি ঘটনা ঘটিল, তাৰ পিছত কোকৰাঝাৰ কলেজৰ শিক্ষাৰ্থীয়ে উদ্ভণ্ডালি কৰিলেও পুলিচে একো কৰিব নোৱাৰিব৷
টেঁটু ফালি চিঞৰি ৰূপজ্যোতি কুৰ্মিয়ে কৰা কাণ্ডৰ সময়ত গেলাৰীত দৰ্শক হিচাপে বহি আছিল কোকৰাঝাৰ কলেজৰ ছাত্ৰ-ছাত্ৰী৷ তেওঁলোকে অতিথি হিচাপে সদনৰ কাৰ্যক্ৰমণিকা চাই আছিল৷ লগতে আছিল কেবাখনো শিক্ষানুষ্ঠানৰ প্ৰতিনিধি৷
ছাত্ৰসকলক দেশৰ সংসদীয় প্ৰণালীৰ সৈতে পৰিচয় কৰাই দিয়াৰ বাবে বিধানসভাৰ কাৰ্যক্ৰম চোৱাৰ সুবিধা দিয়া হৈছিল৷ গতিকে ২১ মাৰ্চত সদনৰ গেলাৰীত বহি আছিল কোকৰাঝাৰ কলেজৰ শিক্ষাৰ্থী৷
কিন্তু তেওঁলোকৰ সন্মুখতে ৰূপজ্যোতি কুৰ্মিয়ে জমদগ্নিৰ ৰূপ ল’লে৷ সদনতে ভাঙি পেলাবলৈ ধৰিলে বিধায়কৰ মাইক৷
দেৱব্ৰত শইকীয়াক ফাল্টু বুলিও ক’লে ৰূপজ্যোতিয়ে৷ গতিকে সন্মানীয় বিধায়কৰ পৰাই উদ্ভণ্ডালিৰ শিক্ষা পালে কোকৰাঝাৰ কলেজৰ শিক্ষাৰ্থীয়ে৷
গতিকে ছাত্ৰ-ছাত্ৰীসকলে এতিয়া উদ্ভণ্ডালি কৰিলেও পুলিচে তেওঁলোকক একো কৰিব নোৱাৰিব৷ কাৰণ তেওঁলোকে বিধায়কৰ পৰাই শিকি গৈছে এনে উদণ্ড আচৰণ৷
গণতন্ত্ৰৰ সবাতোকৈ পৱিত্ৰ স্থানতে শিক্ষাৰ্থীসকলে দেখিলে জনপ্ৰতিনিধিৰ কাজিয়া৷ সেয়ে তেওঁলোকো যদি কাজিয়াত লিপ্ত হয় তেন্তে সেয়া দোষণীয় নহ’ব৷
0
