হিন্দু যুৱকক কোনেও নিবিচাৰে, সকলোকে লাগে মুছলমান ড্ৰাইভাৰ৷ নিজৰ গাড়ী চলাবলৈ ৰাজনৈতিক নেতা অথবা ব্যৱসায়ীয়েও ইছলামধৰ্মী ড্ৰাইভাৰ বিচাৰে৷ গতিকে মুছলমান অধ্যুষিত এলেকাত স্থাপিত হৈছে ড্ৰাইভিং স্কুল৷ নগাঁও, হোজাই আদিৰ মুছলমান যুৱকে গাড়ী চলাবলৈ শিকি সংস্থাপন লাভ কৰিছে৷ অসমৰ প্ৰায়সমূহ শীৰ্ষনেতাৰে গাড়ী চালক হৈছে নামনি অসমৰ মুছলমান যুৱক৷
ৰাজনৈতিক নেতা আৰু ব্যৱসায়ীয়ে হিন্দু যুৱকক গাড়ী চালক হিচাপে নৰখাৰ কাৰণ হৈছে মদ৷ সচৰাচৰ মুছলমান যুৱকে সুৰাপান নকৰে৷ সেয়ে তেওঁলোকে হিন্দুৰ সলনি মুছলমান ড্ৰাইভাৰ পছন্দ কৰে৷
তথ্য অনুসৰি ৰাজ্যৰ প্ৰায়সমূহ বিধায়কৰে গাড়ী চালক হৈছে মুছলমান যুৱক৷ তেওঁলোকে বৰপেটা, নগাঁও আৰু হোজাইৰ যুৱকক ড্ৰাইভাৰ হিচাপে নিয়োগ কৰিছে৷ ৮০ শতাংশ মন্ত্ৰীৰ চালকো হৈছে মুছলমান৷
অৱশ্যে পূৰ্বে চৰকাৰী গাড়ী চালনাৰ কামত বেছিসংখ্যক হিন্দু যুৱকেই নিয়োজিত হৈ আছিল৷ পিছে মদ্যপানৰ অভ্যাসৰ বাবে তেওঁলোকৰ গাড়ীত উঠিবলৈ সংকোচ কৰা হ’ল মন্ত্ৰী-বিধায়কে৷ বিশেষকৈ কঠোৰভাৱে যান-বাহন আইন প্ৰৱৰ্তনৰ পিছত মদ্যপায়ী হিন্দু ড্ৰাইভাৰক অব্যাহতি দিলে মন্ত্ৰী বিধায়কে৷
একেদৰে সকলো আগশাৰীৰ ব্যৱসায়ীৰে প্ৰথম পছন্দৰ ড্ৰাইভাৰ হৈছে মুছলমান যুৱক৷ অসমৰে গুৱাহাটীৰ এখন বিখ্যাত হোটেলতো ৯৫ শতাংশ ইছলামধৰ্মী গাড়ী চালক নিয়োগ কাৰ হৈছে৷ হোটেল কৰ্তৃপক্ষই প্ৰকাশ কৰা অনুসৰি হিন্দু যুৱকৰ দৰে মুছলমানে পৰাপক্ষত সুৰাপান নকৰে৷ ধৰ্মীয় বাধাৰ বাবে তেওঁলোকে মদ্যপান নকৰে৷ গতিকে অতিথিয়েও তেওঁলোকৰ গাড়ীত উঠিবলৈ নকৰে সংকোচ৷
সেয়ে মুছলমান অধ্যুষিত এলেকাত বৰ্তমান বাঢ়িছে গাড়ী চালনাৰ প্ৰশিক্ষণ দিয়া প্ৰতিষ্ঠান৷ ধুবুৰীত যোৱা এবছৰৰ ভিতৰত ২৭ খন ড্ৰাইভিং স্কুল স্থাপন কৰা হৈছে৷ বৰপেটাতো খোলা হৈছে ড্ৰাইভিং স্কুল৷
0
