হঠাতে ৰাজনৈতিক দৃশ্যপটৰ পৰা অন্তৰ্ধান হৈ গ’ল ভৱেশ কলিতা৷ বিজেপিৰ সভাপতি পদৰ পৰা কৌশলী অপসাৰণ পিছত কলিতা হেৰাই গ’ল৷ গাইগৰুৰ ওহাৰৰ পৰা জোক এৰুওৱাৰ দৰে কামবোৰো নকৰা হ’ল ভৱেশ কলিতাই৷
সভাপতি হৈ থাকোতে আন একো কাম নকৰিলেও জোক এৰুৱাই ভৱেশ কলিতাই কৰিছিল গো-সেৱা৷ কিন্তু আনক দেখুৱাই সন্মানজনকভাৱে বিদায় দিলেও আচলতে ভৱেশ কলিতাক বাজপেয়ী ভৱনৰ পৰা খেদি দিয়া হ’ল৷
তাৰ পিছত মন্ত্ৰিত্বৰ বাবেও ভৱেশ কলিতাৰ নাম উচ্চাৰিত হৈছিল৷ কিন্তু সংঘৰ অনিচ্ছাৰ বাবে সেইফালেও সফল নহ’ল৷ গতিকে ৰাজ্যিক ৰাজনীতিৰ পৰা মিষ্টাৰ ইণ্ডিয়াৰ দৰে অন্তৰ্ধান হৈ গ’ল ভৱেশ কলিতা৷
সভাপতি হৈ থকা সময়ত দলীয় কামতে ভৱেশ কলিতা ব্যস্ত হৈ আছিল৷ কিন্তু পদবী হেৰুওৱাৰ পিছত তেওঁ ৰঙিয়াত সোমাই পৰিছে৷ সকলো চৰকাৰী আঁচনিৰ ধন বিতৰণত ব্যস্ত হৈ আছে বিজেপিৰ ভগা সভাপতি৷
সদায়েই তেওঁ দিছে চৰকাৰী কামৰ বিৱৰণ৷ কিন্তু পদবী হেৰুওৱাৰ পিছতে বিজেপিৰ সদৰত মুঠেও কাম নোহোৱা হৈছে কলিতাৰ৷ তেওঁক দলৰ অভ্যন্তৰত প্ৰায় গুৰুত্বহীন কৰি তুলিছে নতুন সভাপতি দিলীপ শইকীয়াই৷
সেয়ে বাজপেয়ী ভৱনত ছাঁটোও দেখিবলৈ নোহোৱা হৈছে ভৱেশ কলিতাৰ৷ তেওঁ সম্প্ৰতি প্ৰায় হেৰাই গৈছে৷ পৰৱৰ্তী নিৰ্বাচনত আকৌ জিকিব পৰাকৈ ৰঙিয়াতে ভৱেশ কলিতাই কৰিছে কাম৷
তেওঁ বুজিছে- ৰঙিয়াত ২০২৬ত কঠিন হ’ব যুঁজ৷ সেয়ে বিলাই ফুৰিছে চৰকাৰী ধন৷
0
