দিল্লীৰ পৰা আহিছে কঠোৰ নিৰ্দেশ৷ কিন্তু ভূপেন বৰাই গোপন কৰিছে সেই নিৰ্দেশ
সম্ভাৱ্য প্ৰাৰ্থীৰ অতীতৰ কথা আগতীয়াকৈ জানিব বিচাৰিছে ৰাহুল গান্ধীয়ে৷ ২০২৬ত কাক টিকট দিব সেই কথা এতিয়াই বিবেচনা কৰিবলৈ ৰাহুলে তৎপৰতা আৰম্ভ কৰিছে৷ সেয়ে ৰাহুলে বিচাৰিছে ৰিপ’ৰ্ট কাৰ্ড৷
কেৱল টিকট দিলেই নহ’ব, জিকিব পাৰিব লাগিব
এই নীতিৰে ৪ এপ্ৰিলত দিল্লীত ৰাহুল গান্ধীয়ে অসমৰ ৩৫ গৰাকী জিলা কংগ্ৰেছ সভাপতিৰ সৈতে আলোচনা কৰিব৷ এই সভাত উপস্থিত থাকিব ৰাষ্ট্ৰীয় সভাপতি মল্লিকাৰ্জুন খৰ্গেও৷
কংগ্ৰেছৰ সূত্ৰৰ খবৰ অনুসৰি প্ৰাৰ্থিত্ব প্ৰত্যাশীসকলৰ জিলাভিত্তিক তালিকা আৰু বায়’ডাটা বিচাৰিছে ৰাহুলে৷ ইতিমধ্যে ভূপেন বৰাই এই কথা সদৰী কৰিছে৷ কিন্তু তেওঁ কোৱা নাই বহু ভিতৰুৱা কথা৷
খবৰ অনুসৰি অসম কংগ্ৰেছৰ ভিতৰুৱা কন্দলৰ বিষয়ে ইতিমধ্যে বুজি পাইছে ৰাহুলে৷ সেয়ে ২০২৬ৰ প্ৰাৰ্থিত্ব প্ৰদান প্ৰক্ৰিয়াত ৰাজ্যিক নেতৃত্বৰ ক্ষমতা তেওঁ কৰ্তন কৰিবলৈ ওলাইছে৷
গতিকে বিগত সময়ত যেনেদৰে প্ৰদেশ কংগ্ৰেছে এটা সমষ্টিৰ বাবে প্ৰাৰ্থীৰ পেনেল প্ৰস্তুত কৰিছিল, এইবাৰ সেয়া কৰিব নোৱাৰিব৷ প্ৰাৰ্থীৰ পেনেলৰ পৰা টিকট প্ৰদানলৈ সকলোবোৰ কাম দিল্লীতে হ’ব৷
যোৱা লোকসভা নিৰ্বাচনত গুৱাহাটী আৰু তেতিয়াৰ কৰিমগঞ্জক লৈ প্ৰদেশ কংগ্ৰেছৰ বিশেষ নেতাই কৰা কাণ্ডৰ উমান পাইছে ৰাহুল গান্ধীয়ে৷ সেয়ে এইবাৰ তেওঁ আগতীয়াকৈ সাৱধান হৈছে৷
সেয়ে কোনেও বিক্ৰী কৰিব নোৱাৰিব সমষ্টি৷ সমস্ত কৰ্তৃত্ব থাকিব ৰাহুলৰ হাতত৷
0
