ফ্লৰিডাৰ কেপ কেনাভাৰেলৰ পৰা ২০০৩ চনত কলম্বিয়া নামৰ যানখনেৰে মহাশূন্যলৈ ৰাওনা হৈছিল কল্পনা চাওলা৷ কিন্তু মাত্ৰ ৭৩ ছেকেণ্ডৰ ভিতৰতে মহাশূন্যত ছিন্ন-ভিন্ন হৈ পৰিল ভাৰতীয় বংশোদ্ভৱ নভোচাৰী৷
তেতিয়া তৰাৰ দেশত হেৰাই গৈছিল ভাৰতীয় বংশোদ্ভৱ কল্পনা চাওলা৷ এতিয়া তৰাৰ দেশৰ পৰা সুকলমে উভতি আহিল সুনীতা উইলিয়ামছ৷
৭৩ ছেকেণ্ডতে হেৰাই যোৱা কল্পনা চাওলাৰ বিপৰীতে পৃথিৱীৰ অশান্তিয়ে ঢুকি নোপোৱা দূৰত্বত নমাহ কটালে সুনীতা উইলিয়ামছে৷ মাৰ্কিন নাগৰিক হিচাপে আকাশৰ পৰাই দেশখনৰ নিৰ্বাচনতো সুনীতাই ভোট দিলে৷ স্বামী মাইকেল জে উইলিয়ামছক অকলে এৰি তেওঁ মহাকাশবাসীনি হৈ পৰিল৷
নাছাৰ দীৰ্ঘকালীন মহাকাশচাৰী সুনীতাই প্ৰতিবছৰে দৰমহা হিচাপে ভাৰতীয় অংকত লাভ কৰে ১ কোটি ২৬ লাখ টকা৷ কিন্তু আন্ত:ৰাষ্ট্ৰীয় মহাকাশ কেন্দ্ৰত নমাহ বন্দী হৈ থাকিলেও তেওঁ অৰ্থনৈতিকভাৱে উপকৃত নহয়৷
এই সময়ছোৱাৰ বাবে সুনীতাই দৈনিক ৪ ডলাৰহে অতিৰিক্ত ভাত্তা পাব৷ যি পৰিমাণ ভাৰতীয় অংকত ৩৪৭ টকা৷ সেই হিচাপে ২৮৭ দিনত সুনীতাই লাভ কৰিব প্ৰায় ১ লাখ টকা৷
আনহাতে অৱতৰণৰ পিছতে সুনীতাক জনছন স্পেচ চেণ্টাৰলৈ নিয়া হৈছে৷ তাতে কৰা হৈছে স্বাস্থ্য পৰীক্ষা৷ সুনীতাৰ চকু, হাড়ৰ ঘনত্ব আৰু হৃদপিণ্ডৰ তাৎক্ষণিক পৰীক্ষা কৰা হৈছে৷
তাৰ পিছত অভিযানৰ বিষয়ে বৰ্ণনা কৰিছে সুনীতাই৷ সৰ্বশেষতহে সুনীতাই পৰিয়ালৰ সাক্ষাৎ লাভ কৰিছে৷ কিন্তু কিছুদিনলৈ সুনীতাই সুস্থ হ’ব নোৱাৰে৷ আলস্য আৰু আন শাৰিৰীক উপসৰ্গই সুনীতাক জুৰুলা কৰিব৷
0
