আগতে আছিল শৰৎ সিংহ
এতিয়া হ’লগৈ ছামচুল হুদা
পূব বিলাসীপাৰা সমষ্টিৰ AIUDF বিধায়ক ছামচুল হুদাই কলপুলিৰে এজন লোকক কোবোৱাৰ দৃশ্যটো সকলোৱে দেখিছে৷
ছহিদুৰ ৰহমান নামৰ মহৰীজনক কলপুলিৰে কোবোৱা ছামচুল হুদাই অৱশ্যে বৰ্তমান মৌনতা অৱলম্বন কৰিছে৷ পচলা খাব পৰা কলপুলি পুতি আধাৰশিলা স্থাপন কৰিবলৈ দিয়াক লৈ খং উঠা বিধায়ক লুকাই আছে৷
কিন্তু ছামচুল হুদা যি সমষ্টিৰ বিধায়ক, সেইটো সমষ্টিক পূৰ্বে প্ৰতিনিধিত্ব কৰিছিল অসমৰ ৰাজনীতিৰ প্ৰবাদ পুৰুষ শৰৎ সিংহই৷
তেওঁ ১৯৪৬ চনৰ পৰা ছেগা-চোৰোগাকৈ পূব বিলাসীপাৰাৰ বিধায়ক হিচাপে কাৰ্যনিৰ্বাহ কৰিছিল৷ ১৯৯০ চনলৈ সমষ্টিটোৰ বিধায়ক আছিল কিংবদন্তি শৰৎ চন্দ্ৰ সিংহ৷
তেওঁ পূব বিলাসীপাৰাৰ পৰা জিকিয়েই অসমৰ মুখ্যমন্ত্ৰী হৈছিল৷ সেইটো সমষ্টিৰে বৰ্তমান বিধায়ক হৈছে বদৰুদ্দিন আজমলৰ ঘনিষ্ঠ ছামচুল হুদা৷
অৰ্থাৎ ছামচুল হুদা হৈছে শৰৎ সিংহৰ উত্তৰাধিকাৰী৷ এসময়ত পূব বিলাসীপাৰাৰ বিধায়ক শৰৎ চন্দ্ৰ সিংহই বাছত উঠিয়েই গুৱাহাটী ভ্ৰমণ কৰিছিল৷
তেওঁৰে উত্তৰাধিকাৰী ছামচুল হুদাই কলপুলিৰে কোবালে মহৰী ছহিদুৰক৷ এয়াই হৈছে অসমৰ ৰাজনীতিৰ প্ৰকৃত উত্তৰণ৷
0
