ছানস্ক্ৰীন বিচাৰি কান্দি-কাটি হিয়ালি-জিয়ালী হৈছে চুমি বৰা৷ ডিব্ৰুগড় কেন্দ্ৰীয় কাৰাগাৰত বন্দী হৈ থকা নাচনীগৰাকীয়ে বিচাৰিছে প্ৰসাধনৰ সামগ্ৰী৷ কেবাপদ ক্ৰীম বিচাৰিছে চুমিয়ে৷ লগতে বিচাৰিছে মেক-আপ কিট৷ চুলিখিনি জে’লত বেয়া হৈ যোৱা বুলি দুখ কৰি আছে চুমিয়ে৷
নাচনী চুমিয়ে বুজি পাইছে, তেওঁ শীঘ্ৰে জে’লৰ পৰা ওলাব নোৱাৰে৷ সেয়ে মনটো ক্ৰমে মুকলি হৈছে চুমিৰ৷ কিন্তু আদালতত হাজিৰ কৰোৱাৰ সময়ত পাতি লোৱা ভায়েক বিশালক দেখিলেই চুমিৰ খং উঠে৷ সেয়ে বিশালৰ পৰা চুমিক আঁতৰাই ৰাখে জে’লৰ পুলিচে৷
তোৰ কাৰণেই মই ধ্বংস হৈ গ’লোঁ
বুলি কৈ বিশালক চোঁচা মাৰি যায় চুমিয়ে৷ কিন্তু বহুদিনৰ মূৰত এতিয়া লাহে লাহে মেক-আপ কৰিবলৈ মন গৈছে চুমি বৰাৰ৷ একো নসনাৰ বাবে মুখখন বেয়া হৈ যোৱা বুলি চুমিয়ে হাহাকাৰ কৰিছে৷
সেয়ে জে’ল কৰ্তৃপক্ষক তেওঁ বিচাৰিছে মেক-আপ কিট৷ ডিব্ৰুগড় জে’লৰ নাম প্ৰকাশত অনিচ্ছুক বিষয়াই প্ৰকাশ কৰা অনুসৰি ফাগুনত ছালৰ যতন ল’বলৈ চুমিয়ে বিচাৰিছে ছানস্ক্ৰীন৷ ছাল খহটা হৈ যোৱা বুলি তেওঁ ক্ৰীম বিচাৰিছে৷
চুলিত সানিবলৈয়ো কেবাবিধো তেল বিচাৰিছে চুমিয়ে৷ ঘৰৰ পৰা নিয়া এইবোৰ প্ৰসাধনৰ সামগ্ৰী জে’লত ৰাখিবলৈ সততে অনুমতি দিয়া নহয়৷ কিন্তু চুমিয়ে কান্দি-কাটি বিচাৰিছে মেক-আপ কিটটো৷
0
