গাড়ী ৰখাই ছাগলী চুৰি কৰিছে অচিনাকি যুৱকে৷ মটৰ চাইকেলৰ পৰা নামি চৰি থকা ছাগলী ধৰি লৈ গৈছে চোৰে৷ থিতাতে ছাগলী উঠাই আকৌ দৌৰাইছে মটৰ চাইকেল৷ হঠাতে অসমত বাঢ়িছে ছাগলী চোৰ৷ নিবনুৱা ডেকাই মটৰ চাইকেলেৰে ৰাস্তাই-ঘাটে মিশ্যন ছাগলী চলাই ফুৰিছে৷
খিলঞ্জীয়া চোৰে জনশূন্য এলেকাত চৰি ফুৰা তেলাল খাহী ছাগলীক মূলতঃ লক্ষ্য কৰি লয়৷ সেই পথেৰে ভ্ৰমণ কৰি চোৰে পৰিস্থিতি পৰ্যৱেক্ষণ কৰে৷
প্ৰধানতঃ ৰাষ্ট্ৰীয় পথৰ সমীপত চৰি ফুৰা ছাগলী হৈছে চোৰৰ লক্ষ্য৷ গ্ৰামাঞ্চলৰ পথত যিহেতু ভিৰ থাকে সেয়ে চোৰে পলাবলৈ সুবিধা নাপায়৷ গতিকে ঘাইপথৰ দাঁতিত ছৰি ফুৰা ছাগলীয়েই চুৰি কৰে চোৰে৷
ছাগলীৰ জাক সৰু ল’ৰা-ছোৱালীয়ে চৰাই থাকিলেও চোৰে ভয় নকৰে৷ তদুপৰি এৰালৰ পৰাও খুলি নিয়ে ছাগলী৷
এইধৰণৰ চোৰৰ পৰা ছাগলী কিনে চহৰৰ কচায়ে৷ সচৰাচৰতকৈ কম দামত পোৱা বাবে কচায়ে চোৰৰ পৰা খাহী ছাগলী কিনে৷
কিন্তু মাইকী ছাগলীও চুৰি কৰি ফুৰিছে চোৰৰ দলটোৱে৷ কেবাখনো জিলাত চোৰে পথৰ কাষৰ পৰাই দাঙি নিছে ঘাঁহ খাই থকা ছাগলী৷
0
