পেটিকোট পৰিধানৰ অভ্যাসৰ ফলত হৈছে কেন্সাৰ৷ ভাৰতৰ মহিলাই চাদৰ-মেখেলা বা শাৰী পিন্ধিবলৈ পেটিকোট পৰিধান কৰে৷ শেহতীয়াকৈ কৰা এক গৱেষণা মতে পেটিকোটে ছালৰ কৰ্কট ৰোগ সৃষ্টি কৰিছে। এই কেন্সাৰক পেটিকোট কেন্সাৰ বুলিও নাম দিয়া হৈছে৷
পেটিকোট কেন্সাৰ কিয় হয়?
পেটিকোট কেন্সাৰক মাৰ্জ’লিনৰ আলচাৰ বুলিও কোৱা হয়। কঁকালত টান ৰচী বা ইলাষ্টিক পিন্ধা লোকৰ এই ছালৰ কৰ্কট ৰোগ হয়। কঁকালত টান ৰচী বান্ধিলে ছালত ঘৰ্ষণ হয়, যাৰ ফলত ছালৰ চাপ, বিষ, ৰঙা পৰা আৰু আলচাৰ হ’ব পাৰে। ফলত স্ক্বামাছ চেল কাৰ্চিনোমালৈ পৰিণত হ’ব পাৰে।
নতুনৰ লগতে পুৰণি ঘাঁ বা দাগৰ পৰাও এইবিধ ছালৰ কৰ্কট হ’ব পাৰে। পেটিকোট কেন্সাৰৰ প্ৰাৰম্ভিক লক্ষণসমূহ চিনাক্ত কৰাটো অত্যন্ত কঠিন৷ ইয়াত পুৰণি ঘাঁ বা ঘাঁত ৰঙা পৰা, খজুৱতি, ছালৰ ৰঙৰ পৰিৱৰ্তন আৰু টেমুনাৰ সৃষ্টি হয়৷
কেন্সাৰৰ সংক্ৰমণ বৃদ্ধি হোৱাৰ লগে লগে লক্ষণসমূহো সলনি হয়। ঘাঁ বা আঘাতৰ পৰা দুৰ্গন্ধযুক্ত স্ৰাৱ, আলচাৰ আৰু ৰক্তক্ষৰণ আদি লক্ষণ দেখা যায়।
পেটিকোট কেন্সাৰৰ পৰা হাত সাৰিবলৈ ঢিলা কাপোৰ বাছি লওক। যদি আপুনি নিয়মিতভাৱে শাৰী পিন্ধে তেন্তে পেটিকোটৰ গাঁঠি ঢিলাকৈ বান্ধিব যাতে ছালত ঘৰ্ষণ নহয়।
যদি ইতিমধ্যে কঁকালত ঘা হৈছে তেন্তে তাৰ সঠিক চিকিৎসা কৰাওক। আঘাত আৰু বাঢ়িবলৈ নিদিব৷
প্ৰয়োজনসাপেক্ষে লে ঘাঁ বা আলচাৰৰ পৰীক্ষা কৰাব লাগে। ইয়াৰ পৰা ৰক্ষাৰ বাবে যিমান পাৰি ছালৰ অনুকূল কাপোৰ বাছি লওক। কৃত্ৰিম কাপোৰৰ পৰিৱৰ্তে কপাহী আৰু লিনেন কাপোৰ বাছি লওক।
0
