নৰেন্দ্ৰ মোদীয়ে চেষ্টা কৰিলেও অনুগত নেত্ৰীক পাতিব নোৱাৰিব বিজেপি সভাপতি বিশ্বস্ত সতীৰ্থক দলৰ ক্ষমতাৰ অলিন্দত অধিষ্ঠিত কৰিবলৈ মোদী আৰু অমিত শ্বাহে কৰা সকলো চেষ্টাই ব্যৰ্থ কৰিব ৰাষ্ট্ৰীয় স্বয়ংসেৱক সংঘই৷ বিজেপিৰ সভাপতি বাছনি প্ৰক্ৰিয়া যথাসম্ভৱ বিলম্ব কৰি দল পৰিচালনাৰ কৰ্তৃত্ব দখল কৰিবলৈ দুয়োজনে যিমানে চেষ্টা নকৰক কিয়, সংঘই পাহৰি নাযায় বিগত লোকসভা নিৰ্বাচনৰ বিফলতা প্ৰাপ্তবয়স্ক বিজেপিক সম্প্ৰতি আৰ এছ এছৰ প্ৰয়োজন নাই বুলি জে পি নড্ডাই কোৱা কথাই তেতিয়া প্ৰতিজন স্বয়ংসেৱকৰে বুকুত কুঠাৰাঘাত কৰিছিল৷ সেই তিক্ততাও মোহন ভাগৱতে পাহৰা নাই৷
সেয়ে হাজাৰ চেষ্টা কৰিলেও দল পৰিচালনাৰ বাবে এইবাৰ মোদীয়ে ফ্ৰীহেণ্ড নাপায়৷ বৰ্তমান সংঘই নিশ্চিত কৰি দিছে ১৪ৰ পৰা ২১ মাৰ্চৰ ভিতৰত জে পি নড্ডাই সভাপতিত্ব ত্যাগ কৰিব লাগিব হোলীৰ পিছত সংঘৰ পছন্দৰ নেতাই বিজেপিৰ লেকাম টানি ধৰিব ২১ৰ পৰা ২৩ মাৰ্চত আকৌ বাংগালুৰুত অনুষ্ঠিত হ’ব আৰ এছ এছৰ অখিল ভাৰতীয় প্ৰতিনিধি সভা৷ সংঘৰ শীৰ্ষ নীতি নিৰ্ধাৰণকাৰী বৈঠকত দেশৰ হিন্দুত্ববাদী ৰাজনীতিৰ ভৱিষ্যতৰ বিষয়ে পৰ্যালোচনা কৰা হ’ব কিন্তু ইয়াৰ পূৰ্বে বিজেপিৰ সভাপতি পদত এজন দক্ষিণ ভাৰতীয় নেতাক অধিষ্ঠিত কৰাবলৈ সংঘ সাজু হৈছে৷ সেইজন দক্ষিণ ভাৰতীয় হিন্দুত্ববাদী হ’ব পাৰে লালকৃষ্ণ আদৱানিৰ অনুগত অনন্ত হেগড়ে অথবা বয়সৰ বাবে কৰ্ণাটকৰ মুখ্যমন্ত্ৰী পদ ত্যাগ কৰিবলগীয়া হোৱা বি এছ য়েডিয়ুৰাপ্পা৷ তেওঁলোক দুয়োজন অৱশ্যে কৰ্ণাটকৰ৷ সেয়ে তামিলনাডু অথবা তেলেংগানাৰ বিজেপি নেতাক এই দায়িত্ব প্ৰদানৰ সম্ভাৱনা নথকা নহয় কিন্তু এটা কথা খাটাং যে মোদী বা শ্বাহৰ অনুগত উত্তৰ ভাৰতীয় নেতা বিজেপিৰ সভাপতি নহয়
0
