এইটো পেট লৈ নোৱাৰিব ফিটনেছ একেবাৰে নাই পিজ্জা বাৰ্গাৰ খওঁতেই যাব ২০০৭ চনৰ বিশ্বকাপৰ ভাৰত বনাম বাৰ্মুদাৰ এখন মেচ। ভাৰতীয় অপেনাৰ ৰবিন উথাপ্পাৰ বেটত লাগি শ্লীপলৈ গৈছিল বল। শ্লীপত আছিল বাৰ্মুডাৰ ১২৭ কেজি ওজনৰ ডুৱাইন লেভাৰক বিশালকায় দেহটোৰে বতাহত উৰি গৈ লেভাৰকে আয়ত্ব কৰা কেচটো বিশ্বাসেই কৰিব পৰা নাছিল ক্ৰিকেট অনুৰাগীয়ে। কিংকৰ্তব্যবিমুঢ় হৈ ৰৈছিল স্বয়ং ৰবিন উথাপ্পা। বৰ্তমান ক্ৰিকেট বিশ্বৰ সবাতোকৈ প্ৰকাণ্ড খেলুৱৈ হৈছে ৱেষ্ট ইণ্ডিজৰ ৰাহকীম কৰ্ণৱেল কৰ্ণৱেলৰ দেহৰ ওজন ১৪০ কেজি কৰ্ণৱেল ইমানেই বিশালকায় যে তেওঁক নিকনেম দিয়া হৈছে ক্ৰিকেটৰ পৰ্বত-মান এতিয়া আহো আমাৰ দেশৰ গৌৰৱ ৰোহিত শৰ্মাৰ কথালৈ। ৰোহিতৰ চৰ্বীয়ে চকুত ধৰিছে চকুচৰহাৰ ক্ৰিকেটৰ বাবে হেনো ফিট নহয় হিটমেনকিছুদিন পূৰ্বে কংগ্ৰেছ নেত্ৰী শ্বামা মহম্মদে ইতিকিং কৰিছিল ৰোহিতক। শ্বামাৰ মতে হেনো ক্ৰিকেটৰ বাবে উপযুক্ত নহয় ‘শকত ৰোহিত’ কিন্তু চেম্পিয়নছ ট্ৰফীৰ ফাইনেলত নিউজীলেণ্ডৰ বিৰুদ্ধে সবল নেতৃত্বৰে অধিনায়কোচিত ইনিংছ খেলি দলক বিজয়ী কৰোৱাৰ পিছতে ৰোহিতৰ প্ৰশংসাত পঞ্চমুখ হৈ পৰিছিল সেইগৰাকী শ্বামা মহম্মদ। ৰাজনীতিৰ মানুহ যে, বাগৰ সলাবই! সামাজিক মাধ্যমত কোনো কোনোৱে মীমৰ চলেৰে কৈছিল ৰোহিত শৰ্মা প্ৰেগনেণ্ট হয়, সেই প্ৰেগনেণ্ট ৰোহিতেই ৯ মাহৰ ভিতৰত ভাৰতক উপহাৰ দিলে দুটাকৈ ট্ৰফী ২০২৩ ৰ এদিনীয়া বিশ্বকাপৰ ফাইনেলৰ পাছত যথেষ্ট সমালোচনাৰ সন্মুখীন হৈছিল ৰোহিত। এজাক ধুমুহাৰ পাছত উজলি উঠা সুৰুযৰ দৰেই পুনৰ দলক সঠিক দিশেৰে আগুৱাই লৈ গৈ জয় কৰিছিল টি-২০ বিশ্বকাপ আৰু চেম্পিয়নছ ট্ৰফী। গতিকে চৰ্বীৰ চৰ্চা এৰক টেলেণ্টক তুলাচনীত তোলক
0
