পাৰিলে মিঠাতেল নাখাবই এই উপদেশ দিছিল নৰেন্দ্ৰ মোদীয়ে৷ কিন্তু কোনেও শুনা নাই মোদীৰ কথা৷ প্ৰধানমন্ত্ৰীৰ কথা উপহাস কৰি অসমৰ ৰাইজে আগতকৈয়ো বেছিকৈ কিনিছে মিঠাতেল মিঠাতেলৰ অপকাৰীতাৰ বিষয়ে যিমানে বেছি প্ৰচাৰ হৈছে, সিমানে বাঢ়িছে প্ৰচলন ধাৰা, ইঞ্জিন আদি ব্ৰেণ্ডৰ বিক্ৰী অসমত ছমাহৰ ভিতৰত ডেৰগুণ বাঢ়িছে বিশষকৈ গ্ৰামাঞ্চলত সৰ্বাধিক হৈ পৰিছে তেলৰ প্ৰচলন পূৰ্বে ঘৰতে পেৰা মিঠাতেল খোৱা অসমীয়াই বৰ্তমান ধাৰাত ভজা ভাজিহে পছন্দ কৰিবলৈ লৈছে সমানে কিন্তু বাঢ়িছে ৰিফাইনৰ প্ৰচলন৷ প্ৰধানতঃ উজনি অসমত ৰিফাইন সৰ্বাধিক প্ৰচলিত হৈ পৰিছে চিকিৎসকে প্ৰেছাৰ অথবা ডায়েবেটিছৰ বাবে অপকাৰী বুলি যিমানে বিশ্লেষণ কৰিলেও ৰিফাইনত ভজা বেছনৰ পকৰি নোখোৱালৈ শান্তি নোপোৱা হৈছে ৰাইজে যোৱা ডেৰমাহৰ ভিতৰত মিঠাতেলৰ নামত অসমৰ বাহিৰলৈ গৈছে প্ৰায় ৫৩ কোটি টকা এই পৰিমাণ ছমাহত দুগুণে বাঢ়িছে৷ আমি উল্লেখ কৰা টকাৰ পৰিমাণটো কেৱল এটা মিঠাতেল ব্ৰেণ্ডৰহে বাকী ব্ৰেণ্ডবোৰো পিছে অসমৰ বজাৰত বিক্ৰী হৈয়েই আছে অসমত বৰ্তমান সৰ্বাধিক বিক্ৰী হৈছে ধাৰা আৰু ইঞ্জিন৷ সেইবোৰ গ্ৰাহকে হোৰাহোৰে কিনি খাইছে তেলত ডুবাই ভাজি খোৱাৰ অভ্যাস আগতে অসমীয়াৰ নাছিল কিন্তু লাহে লাহে বাঢ়িছে তলৰ প্ৰচলন৷ ঘৰুৱা উৎপাদনকাৰীয়ে কোনোপধ্যে তেলৰ চাহিদা পূৰণ কৰিব পৰা নাই সেয়ে অসমলৈ মিঠাতেলৰ সৰবৰাহ অভাৱনীয় হাৰত বৃদ্ধি হৈছে এই তেলীয়া খাদ্য খোৱাৰ প্ৰৱণতাই কিন্তু ৰাইজক উপকৃত কৰা নাই মিঠাতেল আৰু ৰিফাইনৰ অধিক প্ৰচলনৰ ফলত অসমত বাঢ়িছে পেটুৱা লোকৰ সংখ্যা মেদবহুলতাই জৰ্জৰিত কৰিছে অসমীয়াক৷
0
