হানিমুনৰ সময়তে ৰহস্যজনক জলপ্ৰলয়

বৰফ গলি বান হৈছে কুলু-মানালিত৷ গতিকে সাৱধান, বিয়াৰ পিছত হানিমুনৰ বাবে কুলু অথবা মানালিলৈ যোৱাৰ কথা চিন্তা নকৰিব৷ বিবাহৰ পিছতে আনন্দ কৰিবলৈ হিল ষ্টেশ্য়নলৈ গ’লেই কিন্তু ভয়ংকৰ বিপদত পৰিব আপুনি৷
পূৰ্বে ফেব্ৰুৱাৰীৰ শেষত পৰিৱেশ নান্দনিক হৈ পৰে হিমাচল প্ৰদেশৰ৷ পাহাৰীয়া ৰাজ্যখনৰ হিল ষ্টেশ্যনত তুষাৰপাত আৰম্ভ হয়৷ চৌদিশ ঢাকি পেলায় বৰফৰ চাদৰে৷ এইবাৰো হিমাচলত সময়মতেই আৰম্ভ হৈছিল বৰফপাত৷
চৌদিশে তুষাৰপাতে মনোমোহা পৰিৱেশ সৃষ্টি কৰিছিল৷ গতিকে হিল ষ্টেশ্যনত উপস্থিত হৈছিল পৰ্যটক৷ কুলু আৰু মানালিত প্ৰায় ১৫ হাজাৰ পৰ্যটকে প্ৰাকৃতিক সৌন্দৰ্য উপভোগ কৰিছিল৷
পিছে হঠাতে উষ্ণতা বৃদ্ধি পালে৷ ফলত গলিবলৈ ধৰিলে হিল ষ্টেশ্যনৰ বৰফ৷ কুলু মানালিত হঠাতে বৰফ গলাৰ ফলত বানৰ সৃষ্টি হ’ল৷ অনন্য সৌন্দৰ্যশালী চহৰখনৰ প্ৰতিটো পথেই বৰফ গলাৰ ফলত বানে বুৰাই পেলালে৷
একেটা পৰিৱেশৰে সৃষ্টি হৈছে মানালিতো৷ বানৰ প্ৰকোপ বঢ়াৰ আশংকাত ততালিকে কেবাহাজাৰ পৰ্যটকক প্ৰশাসনে ঘূৰাই পঠিয়ালে৷ পিছে অৱশিষ্টসকল বৰ্তমানলৈ মানালিতে আবদ্ধ হৈ আছে৷
পূৰ্বে কিন্তু কেতিয়াও এনেদৰে বৰফৰ গলন আৰম্ভ হোৱা নাছিল হিমাচলত৷ মাৰ্চপৰ্যন্ত শীতে কুলু আৰু মানালিৰ পৰিৱেশ শীতল কৰি ৰাখিছিল৷ কিন্তু জলবায়ু পৰিৱৰ্তনৰ প্ৰভাৱ এইবেলি হিমাচলতো দৃষ্টিগোচৰ হ’ল৷
গতিকে হানিমুনৰ বাবে বাছনি নকৰিব কুলু অথবা মানালিক৷ তাৰ সলনি যাওক কাশ্মীৰলৈ৷

Please follow and like us:

0