পাঁচ ঘণ্টাতে ডিব্ৰুগড়ৰ পৰা গুৱাহাটী পাবগৈ৷ ভাল বাৰু৷ নীতিন গাডকাৰীয়ে এডভাণ্টেজ অসমত কোৱা এই কথাষাৰ আমিও ভাল পাইছোঁ পথ যাতায়াত উন্নত কৰিবলৈ গাডকাৰীয়ে ৫৫,১৭৯ কোটি টকা দিয়াৰ বাবেও ৰাইজ সুখী হৈছে কিন্তু গাডকাৰীয়েটো নাজানে অসমৰ মানুহে গাড়ী চলাবলৈয়ো ভয় কৰা হ’ল প্ৰতিঘণ্টাত ৬০ কিলোমিটাৰতকৈ বেছি স্পীডত যাবলৈ ড্ৰাইভাৰৰ ভয় লগা হ’ল বহু ড্ৰাইভাৰৰ অভ্যাসেই হৈ গ’ল লাহে লাহে গাড়ী চলোৱাৰ তেওঁলোকে ভুলতো এক্সেলেটৰত বেছিকৈ হেঁচা নিদিয়ে৷ স্পীড’মিটাৰে ৬০ৰ ঘৰ অতিক্ৰম কৰিলেই ২,০০০ টকা ফাইন ভৰাৰ ভয়ত লাহে লাহে যোৱাটো অভ্যাসতে পৰিণত হ’ল অসমৰ ভিতৰতে যদি কোনোবাই এদিনতে দীৰ্ঘ দূৰত্ব অতিক্ৰম কৰাৰ কথা ভাবে, তেন্তে ফাই৺ৰ পইচা অতিৰিক্তকৈ ধৰি থ’ব লাগে কাৰণ মসৃণ ৰাজপথত গাড়ীয়ে সামান্য বেগ ল’লেই বাজি উঠে পকেটৰ মোবাইল অভাৰ স্পীডৰ বাবে ২,০০০ টকা জৰিমনা ভৰিবলৈ সুযোগ বিচাৰি থাকে পৰিবহণ বিভাগে৷
গতিকে গাড়ীৰ ষ্টিয়েৰিং ধৰাৰ পিছতে এম-পৰিবহণৰ মেছেজ আহিছে নেকি বুলি মোবাইলটো চাই থকাটো ড্ৰাইভাৰৰ অভ্যাসেই হৈ গৈছে গতিকে ৰাজপথেৰে ডিব্ৰুগড়ৰ পৰা ৫ ঘণ্টাতে গুৱাহাটী পাবগৈ বুলি গাডকাৰীয়ে কৰা ঘোষণা শুনিয়েই ড্ৰাইভাৰৰ পেটতে হাত-ভৰি লুকাইছে কাৰণ অভাৰ স্পীডৰ কাৰণে এতিয়াৰ দৰে যদি ৰাস্তাত দূহেজাৰ দুহেজাৰ কৈ ফাইন কাটি গৈ থাকে তেন্তে কেৰেলাতকৈ গুটি দীঘল হ’ব সম্ভৱতঃ বৰ্তমান অসম চৰকাৰ বৰ্তমান ফাইনৰ ব্যৱসায়তে সফল হৈছে গাড়ী ক’ৰবাত থাকিলেও আন ঠাইত ফাইন কটাতো পৰিবহণ বিভাগৰ বাবে হৈ পৰিছে অলিখিত নিয়ম গতিকে গাডকাৰীয়ে ক’লেই নহ’ব৷ আমি ৬০ৰ ওপৰত গাড়ী নচলাও দেই!
0
