ৰাজেশ শৰ্মাই খবৰটো গোপন কৰি ৰাখিছে৷ কিন্তু ইতিমধ্যে আপৰ ৰাজ্যিক সভাপতি পদৰ পৰা ইস্তফা দিছে মনোজ ধানোৱাৰে ২১ ছেপ্টেম্বৰত কেন্দ্ৰীয় সমিতিয়ে নিযুক্তি দিয়া নেতাজনে পদত্যাগ কৰিছে দলৰ পৰিস্থিতি অৰাজক হৈ পৰাৰ আশংকাত সেই খবৰ গোপন কৰি ৰাখিছে আপ অসমৰ তত্ত্বাৱধায়ক ৰাজেশ শৰ্মাই৷ ৫ মাহ পূৰ্বে সভাপতি হোৱা মনোজ ধানোৱাৰে দলীয় কৰ্তব্যৰ পৰা তিনিমাহৰ বাবে অব্যাহতি লৈছিল ডাঃ ভবেন চৌধুৰীৰ পিছত দলটোৰ ৰাজ্যিক সভাপতি হিচাপে মনোনীত হোৱা নেতাজনে ছুটী লোৱা বুলিহে সদৰী কৰিছিল দলীয় সূত্ৰই কিন্তু সৰ্বশেষত মনোজ ধানোৱাৰে ইস্তফা দিয়াটো নিশ্চিত কৰিছে আপৰ সূত্ৰই নাম প্ৰকাশত অনিচ্ছুক এজন নেতাই প্ৰকাশ কৰা অনুসৰি সভাপতিত্বৰ পৰা তেওঁ ইতিমধ্যে পদত্যাগ কৰিছে দল বৰ্তমান পৰিচালনা কৰি আছে ৰাজেশ শৰ্মাই৷ যিজন দিল্লীৱালা নেতাৰ বাবে আপ অসমত অৰাজকতাৰ সূচনা হ’ল, তেৱেঁই ৰাজ্যত দলটো চলাই আছে৷ কিন্তু দিল্লীয়ে ইতিমধ্যে লাভ কৰিছে মনোজ ধানোৱাৰৰ পদত্যাগ পত্ৰ বিগত লোকসভা নিৰ্বাচনত ডিব্ৰুগড়ত আপৰ প্ৰাৰ্থী হিচাপে প্ৰতিদ্বন্দ্বিতা কৰা ধানোৱাৰে যে অতিষ্ঠ হৈয়েই ইস্তফা দিছে সেয়া নিৰ্ঘাত সত্য ইতিমধ্যে কেবাটাও শিবিৰত বিভাজিত হোৱা আপ অসমৰ সৰ্বময়কৰ্তা হৈ পৰিছে এগৰাকী নেত্ৰী৷
ৰাজেশ শৰ্মাৰ সৈতে থকা ঘনিষ্ঠতাৰ বাবে তেওঁকে দলৰ মুৰব্বী হিচাপে উপস্থাপন কৰা হৈছে৷ বিগত সময়ত বিতৰ্কিত অডিঅ’ৰ উপৰি ভিডিঅ’ৰ বাবে দলত এলাগী হৈ পৰিছিল এইগৰাকী নেত্ৰী৷
কিন্তু মনোজ ধানোৱাৰৰ অবৰ্তমানত তেৱেঁই সম্বোধন কৰিছে আপৰ সংবাদমেল৷ একেসময়তে নতুন সভাপতি বাছনি নকৰালৈ ধানোৱাৰৰ পদত্যাগৰ খবৰ গোপন কৰি ৰাখিবলৈ আপ্ৰাণ চেষ্টা চলাইছে ৰাজেশ শৰ্মাই৷
0
