মনে মনে গোলাঘাট শুকুৱাই পেলাবলৈ ওলাইছে চৰকাৰ৷ পাম খেতিৰ বাবে গোপনে চুক্তি কৰি মৰঙিৰ ফলঙনি বীজ পাম ৰামদেৱক গতাই দিয়াৰ সিদ্ধান্তত জঁকি উঠিছে ৰাইজ বিধায়ক মৃণাল শইকীয়াৰ জৰিয়তে কেবাহেক্টৰ মাটি পাম খেতিৰ বাবে চমজাই দিয়াটো প্ৰথমে পোহৰলৈ আহিছিল কৃষিমন্ত্ৰীয়ে বিধানসভাত স্বীকাৰো কৰিছিল এই তথ্য৷ তদানুসৰি পতঞ্জলি ফুডছ আৰু ASC লিমিটেডক ফলঙনি বীজ পামৰ মাটি চমজাই দিছে চৰকাৰে তাৰ পিছতে প্ৰতিবাদী ৰাইজ ইতিমধ্যে সংগঠিত হৈ পৰিছে কিন্তু চৰকাৰী তথ্যমতে প্ৰায় ৩৫ হেক্টৰ ভূমিৰ এই পামখনৰ কিছু পৰিমাণৰ ভূমি হস্তান্তৰৰ চুক্তি ইতিমধ্যে নিশ্চিত হৈছে পিছে বিগত সময়ত পামখন পুনৰুজ্জীৱিত কৰি তুলিবলৈ স্থানীয় প্ৰশাসনক বাৰম্বাৰ অনুনয়-বিনয় কৰিছিল ৰাইজে৷ এই আবেদন লৈ ৰাইজ মন্ত্ৰী অতুল বৰাৰো কাষ চাপিছিল৷ কিন্তু সেই আবেদন গ্ৰহণ নকৰি চৰকাৰে গোপনে পাম খেতিৰ বাবে ফলঙনি বীজ পামখন গতাই দিয়াৰহে চুক্তি কৰিলে কৃষি বভাগৰ সূত্ৰই সদৰী কৰা অনুসৰি ইতিমধ্যে পতঞ্জলি আৰু ASCৰ সৈতে চুক্তি প্ৰায় খাটাং হৈছে গতিকে ৰাইজৰ প্ৰতিবাদৰ পিছতো বীজ পাম দুয়োটা প্ৰতিষ্ঠানক পাম খেতিৰ বাবে গতাই দিয়াটো খাটাং তৈল খেজুৰ অৰ্থাৎ পাম খেতি কৰিবলৈ এই দুয়োটা প্ৰতিষ্ঠানক চৰকাৰী মাটি হস্তান্তৰ কৰিলে কিন্তু বৃহত্তৰ গোলাঘাট মৰুভূমিত পৰিণত হ’ব পাম খেতিৰ বাবে যিমান পৰিমাণৰ পানীৰ প্ৰয়োজন তাৰ ফলত গোলাঘাটৰ ভূ-গৰ্ভত নোহোৱা হ’ব জল গোলাঘাটক মৰুভূমি কৰাৰ চৰকাৰী সিদ্ধান্তৰ বিৰুদ্ধে ফলঙনি বীজ পাম সুৰক্ষা সমিতি নামৰ ৫১ জনীয়া কমিটী গঠন কৰা হৈছে৷ তেওঁলোকে আৰম্ভ কৰিছে প্ৰতিবাদী কাৰ্যসূচী৷
0
