দৰ্শকে সচৰাচৰ অভিযোগ কৰে অসমৰ কেইটামান প’ৰ্টেলে কেৱল বোৱাৰী পলাই যোৱাৰ দৰেহে বাতৰি পৰিৱেশন কৰে বিবাহিত মহিলাৰ প্ৰেম কাহিনীয়েই কিছুমান সংবাদগোষ্ঠীৰ বাবে মূল বিষয় কিন্তু এতিয়া ৰাজ্যতো পৰিস্থিতি একেই সৌসিদিনা প্ৰথমে ৰাজ্যৰ ভাইৰেল টপিক হৈ পৰিল মৰ্মিতা মিত্ৰ নামৰ বাঙালী বোৱাৰীগৰাকী৷
বংগৰ পৰা আহি তেজপুৰৰ বোৱাৰী হোৱা মৰ্মিতাই গানৰ ছিণ্ডিকেট কৰিছে বুলিও বুবু-বাবা হ’ল৷ তেতিয়াই ৰাজীৱ শদিয়াৰ পৰিয়াললৈ ৫০ হাজাৰ টকা দান দি জ্বলা জুইত মৰ্মিতাই ঘিঁউ ঢালিলে৷ ফে’চবুক তথাকথিত সচেতন লোকৰ লিখিত গ্ৰহণীৰে উপচি গ’ল তাৰ পিছতে বিজেপিয়ে কৰিলে বোৱাৰী ৰাজনীতি প্ৰথমে ওলাল গৌৰৱ গগৈৰ বিদেশী পত্নী এলিজাবেথ ক’লবাৰ্নৰ কথা৷ কিয় এলিজাবেথে শহুৰৰ দেশৰ নাগৰিকত্ব লোৱা নাই বুলি চিঞৰ-বাখৰ হ’ল৷ সেইটো আলোচনাও কিছু শাম কাটিলে৷ পত্নীলৈ অনলাইন প্ৰেমপত্ৰ লিখি গৌৰৱ গগৈয়ে প্ৰশ্নবোৰৰ উত্তৰ দিলে গৌৰৱে৷ শেষত ওলাল অখিল গগৈৰ বিদূষী পত্নী গীতাশ্ৰী তামুলীৰ কথা৷ কেবাখনো উন্নত মানৰ গ্ৰন্থৰ সম্পাদনা কৰা গীতাশ্ৰী তামুলীৰ প্ৰসংগ বিধানসভাতে উত্থাপিত হ’ল৷ কিন্তু বিষয়টোত আৰু কেবাটাও সংযোজন সম্ভৱতঃ বাকী আছে বোৱাৰী পলিটিক্সে এইবাৰ লাভ কৰিছে সৰ্বোচ্চ গতি ২০২৬ৰ পূৰ্বে বিজেপিৰ বোৱাৰী পলিটিক্সে ৰাজ্যত কেনে প্ৰভাৱ পেলায় সেয়া এতিয়াই কোৱাটো অৱশ্যে টান কিন্তু ৰাইজ অতিষ্ঠ নোহোৱাও নহয়
0
