এইবাৰ ওলাইছে জিঅ’ পানী কেইবছৰমান আগলৈ ফ্ৰী জিঅ’ ছিমৰ নিচিনাকৈ বজাৰত জিঅ’ পানী ওলাইছে কিন্তু ভাললৈ নহয়, কাললৈহে ওলাইছে জিঅ’ পানী বিগত কেইবছৰমানত অসমৰ থলুৱা উদ্যোগ বটলিং পানীৰ উদ্যোগ থন ধৰি উঠিছিল কিন্তু এইবাৰ পানীৰ বেপাৰতো সোমাইছে ৰিলায়েঞ্চ লগতে গুজৰাটী পুঁজিপতিয়ে বজাৰত কম দামতে উলিয়াই দিছে পানীৰ বটল থলুৱা ব্যৱসায়ীক ধবংস কৰিবলৈ কৌশল অৱলম্বন কৰি ১০ টকাতে দিছে ১ লিটাৰ পানী সাধাৰণতে বজাৰত এতিয়া আধা লিটাৰ, এক লিটাৰ আৰু দুই লিটাৰৰ বটলত পানী প্ৰচলিত হৈ আছে কিন্তু মুকেশ আম্বানিৰ ৰিলায়েঞ্চে কম দামত গ্ৰাহকক দিছে ডাঙৰ পানী বটল অসমৰ বজাৰত সম্প্ৰতি আধা লিটাৰ পানীৰ ২৪ টা বটলৰ প্ৰতি কাৰ্টুনৰ প্ৰচলিত মূল্য ১৪০ৰ পৰা ১৬০ টকা কিন্তু ৰিলায়েঞ্চৰ ১০ টকীয়া বটলত থাকে ৭৫০ মিলিলিটাৰ পানী তদুপৰি উন্নত পেকেজিঙেৰে বজাৰত আকৰ্ষণীয় ৰূপত মুকলি কৰা কৰি দিয়া হৈছে ৰিলায়েঞ্চৰ পানী স্বাভাৱিকতে এইবিধ পানী বটলৰ প্ৰতি গ্ৰাহক আকৰ্ষিত হৈছে কিন্তু কিছুদিন সুবিধা দিয়াৰ পিছত বৰ্তমান জিঅ’ ছিমে যিদৰে কেকোঁৰাচেঁপা দিছে সেইটোৱেই যে পানীৰ বেপাৰতো হ’বগৈ সেয়া খাটাং
ছিমৰ দৰেই কম দামতে পানী বিক্ৰী কৰি ৰিলায়েঞ্চে থলুৱা উদ্যোগ মাৰি পেলাব বজাৰ অকলশৰীয়াকৈ দখল কৰাৰ পিছত ৰজা হৈ ইচ্ছামতে বঢ়াব দাম লোভ লগাই গ্ৰাহকক আকৰ্ষণ কৰি প্ৰতিদ্বন্দ্বীক নিঃশেষ কৰাৰ ফৰ্মুলা ৰিলায়েঞ্চে পানীৰ বেপাৰতো ব্যৱহাৰ কৰিছে কিন্তু পানীৰ বেপাৰত ইতিমধ্যে অসমৰ এচাম লোকে সফলতা লাভ কৰিছিল৷ কেৱল নগাঁৱতে প্ৰায় ৩০টা বটলিং কোম্পানীয়ে গ্ৰাহকৰ চাহিদা থলুৱাভাৱে পূৰণ কৰিছে খিলঞ্জীয়া যুৱকে পানীৰ ব্যৱসায় কৰি স্বাৱলম্বী হোৱাৰ সপোন দেখাৰ সময়তে বজাৰ ছানি ধৰিছে জিঅ’ পানীয়ে উন্নত পেকেজিং আৰু আৰম্ভণিতে কম দামেৰে গ্ৰাহকক ইতিমধ্যে আখৰ্ষণ কৰিছে ৰিলায়েঞ্চে কিন্তু এয়া ভালৰ লক্ষণ নহয়
0
