ৰাকেশ পালৰ পৰা কোনে কিমান পইচা লৈছিল ন্যায়াধীশ বিপ্লৱ শৰ্মাৰ প্ৰতিবেদনত প্ৰকাশ পাইছে৷ কিন্তু যেতিয়া ৰাকেশ পালক APSCৰ অধ্যক্ষ পাতিবলৈ লোৱা লৈছিল, তেতিয়াই বিৰোধিতা কৰিছিল অসমৰ দুজন আমোলাই৷ তেওঁলোক আছিল ক্ৰমে কৰ্মচাৰী বিভাগৰ যুটীয়া সচিব উদয়ন হাজৰিকা আৰু প্ৰধান সচিব ৰাজীৱ বৰা৷ যেতিয়া তৰুণ গগৈয়ে ৰাকেশ পালক স্থায়ী অধ্যক্ষ পাতিবলৈ ওলাইছিল তেতিয়া দুয়োজন খৰ্গহস্ত হৈ পৰিছে৷ তেওঁলোক দুয়ো ৰাকেশ পালৰ নিযুক্তিত আপত্তি দৰ্শাই ফাইলত কঢ়া নোট দিছিল৷ কোনো অ্হতাহীন ন’টাৰী ৰাকেশ পালক নিযুক্তি দিাটো বিধি-নিষিদ্ধ বুলি অভিহিত কৰিছিল৷ যদি তৰুণ গগৈয়ে এই কথাটো মানিলেহেঁতেন তেন্তে ৰাকেশ পালৰ নিযুক্তিৰ পিছৰ বিতৰ্কৰো থলেই নাছিল৷
কিন্তু চৰকাৰৰ পতনৰ পিছত এষাৰ বৰ গুৰুত্বপূৰ্ণ কথা কৈছিল গগৈয়ে তেওঁ তৎকালীন মন্ত্ৰী গৌতম ৰয়ৰ হেঁচাতহে ৰাকেশ পালক অধ্যক্ষ পতা বুলি অভিহিত কৰিছিল অসহায় স্বৰেৰে গগৈয়ে কৈছিল- পালক অধ্যক্ষ পাতিবলৈ মোৰো মন নাছিল কিন্তু গৌতমে জোৰ কৰাৰ বাবেহে বাধ্য হৈছিলোঁ৷ কিন্তু ৰাকেশ পালৰ কানেকশ্যন ইাতে শেষ হোৱা নাই৷ তথ্য অনুসৰি তেতিয়া পালক অধ্যক্ষ পাতিবলৈ ৰাষ্ট্ৰপতি ভৱনৰ পৰাও পত্ৰ আহিছিল৷ তৎকালীন ৰাষ্ট্ৰপতি প্ৰণৱ মুখাৰ্জীৰ সচিবে ৰাজ্য চৰকাৰলৈ পত্ৰ প্ৰেৰণ কৰিছিল৷ অৰ্থাৎ দিল্লীপৰ্যন্ত আছিল ৰাকেশ পালৰ হাত৷
0
